Muling itinaas ang yellow alert warning ang buong Luzon ngayong araw
Ayon sa Department of Energy manipis ang suplay ng reserbang kuryente sa rehiyon dahil sa mataas na demand at pagbagsak ng ilang power plant.
11,405 megawatts ang available na capacity ngayong araw at nasa 10,428 ang peak demand.
Nakataas ang yellow alert simula kaninang alas dies ng umaga hanggang alas kwatro ng hapon.
Pinapayuhan ng DOE ang lahat na magtipid sa paggamit ng kuryente.
(Mon Jocson | UNTV News)
Pinulong ni Pangulong Ferdinand Marcos Jr., ang mga opisyal ng Department of Energy at iba pang energy-related agencies sa kanyang administrasyon upang ilatag ang mga plano ng administrasyon para tiyakin ang sapat na suplay ng enerhiya sa buong bansa.
Ayon sa Office of the Press Secretary, tinalakay din sa pulong ang mga prayoridad na immediate and medium-term plans.
Kasama na dito ang Philippine Energy Development Plan bilang suporta sa adhikain ng pamahalaan na makatuklas ng mga alternatibong pagkukunan ng enerhiya at maka-adapt sa climate change.
Tags: Department of Energy, Pang. Marcos, PBBM
Matapos ang makasunod na linggong dagdag-singil sa presyo ng mga produktong petrolyo, nagpatupad naman ang mga oil company ng rollback.
Paliwanag ni Rodela Romero, Assistant Director ng DOE-Oil Industry Management Bureau, bumaba ang presyo ng langis dahil pagbaba rin ng demand o pangangailangan ng iba’t ibang bansa.
“Nagkaroon pa rin ng intermittent lockdown ang bansang China. Eh alam naman natin na malaking consumer na bansa ng petroleum products ang China. So, dahil bumaba ang demand nila, but at the same time, yun pa ring mga increases sa interest rate na ipinatupad ng America,” ani Rodela Romero, Assistant Director of the DOE-Oil Industry Management Bureau.
Hindi pa matiyak ng DOE kung magtutuloy-tuloy ang rollback sa mga susunod na araw. Ngunit sa forecast o pagtaya ng S&P Global Commodity Insights na bababa ang presyo ng langis sa huling quarter ng taon.
Sa kabila nito, tuloy ang mga transport group sa pagsusulong ng kanilang mga petisyon para sa dagdag pasahe.
Ayon kay LTFRB Chairperson Cheloy Garafil, halos lahat ng mga public utility vehicle ay nagsumite ng petisyon.
“Mayroon tayong seven na pending cases for fare hikes in LTFRB. This is from the different denominations ng ating PUVs. Mayroon tayong fare rate hike petitions from the TNVS, from the taxi operators, from the buses, from the jeepneys , mayroon din P2P. So, halos lahat mayroon na—may UV express din. So, halos lahat mayroon nang fare hike petition. Although, many of them at different stages of hearing,” ayon kay Cheloy Garafil, Chairperson, LTFRB.
Inaasahan na maglalabas na rin ng desisyon ang LTFRB kaugnay sa petisyon na dagdag pasahe sa mga jeep ngayong linggo.
(Asher Cadapan, Jr. | UNTV News)
Tags: Department of Energy, DOE-Oil Industry Management Bureau
MANILA, Philippines – Nakatakda na namang magkaroon ng oil price hike ngayong Linggo .
Ayon sa mga industry players posible na magkaroon ng 45 to 55 centavos per liter na dagdag presyo sa diesel, 15 to 25 centavos per liter na dagdag sa gasoline at 40 to 50 na dagdag presyo naman sa kada litro ng kerosene .
Pinapayuhan ng Department of Energy (DOE) ang mga consumer na magpa karga na ngayong araw (June 24) bago ipatupad ang dagdag presyo bukas (June 25).
Ang pagtaas sa presyo ng langis ay bunsod sa paggalaw ng presyo nito sa pandaigdigang pamilihan .
(Mon Jocson | Untv News)
Tags: Dagdag presyo sa petroleum products, Department of Energy
