Inaasahang haharap sa Senado ang ilang miyembro ng Gabinete, at mga opisyal ng pambansang pulisya at ng Sandatahang Lakas ng Pilipinas sa Mamasapano reinvestigation ngayong araw.
Kabilang sa dalawampu’t apat na resource persons na inaasahang dadalo ay sina Executive Secretary Pacquito Ochoa, Communications Secretary Sonny Coloma, Defense Secretary Voltaire Gazmin, dating Interior Secretary Mar Roxas, dating AFP Chief Gregorio Catapang, dating PNP Chief Alan Purisima, dating PNP OIC Leonardo Espina, PNP Chief Ricardo Marquez, Board of Inquiry Chairman Police Director Benjamin Magalong, dating SAF Director Getulio Napeñas at 6th Infantry Division Commander Edmundo Pangilinan.
Ayon kay Senador Grace Poe na chairperson ng Senate Committee on Public Order and Dangerous Drugs, bibigyan ng sapat na oras na makapagtanong si Senador Juan Ponce Enrile sa mga resource person kaugnay sa sinasabing bagong ebidensya sa Mamasapano incident.
Para naman kay Senador Antonio Trillanes IV, mas mabubuo ang istorya sa insidente kung ilalahad sa publiko ang napagusapan sa executive session noon kaya naman magmomosyon sya na isapubliko ito.
Naniniwala si Trillanes na maisasalba ang kaliwat-kanang batikos kay Pangulong Aquino kung ilalahad ang nasa executive session.
Pabor naman si Senador Chiz Escudero sa mungkahi ni Trillanes, aniya magagawa ito kung magbobotohan ang mga miyembro ng Komite.
Sa kabila nito umaasa naman sina Senador Ferdinand Marcos at Sen.Cynthia Villar hindi sana makalimutan ang pagbibigay tulong at hustisya ang naulilang mga pamilya ng SAF 44.
Alas dyes ng umaga ang schedule ng reinvestigation mamaya.
(Bryan De Paz / UNTV Correspondent)
Tags: executive session, Mamasapano incident, Mamasapano reinvestigation, sen. trillanes
Hawak na ng National Capital Region Police Office (NCRPO) ang kopya ng arrest warrant laban kay Senator Antonio Trillanes IV.
Kaugnay ito ng four counts of libel na isinampa laban sa senador ni Presidential son Paolo “Pulong” Duterte sa Davao City Regional Trial Court Branch 54.
Ayon kay NCRPO Chief Police Director Guillermo Eleazer, nakikipag-ugnayan na sila sa Senate Sergeant at Arms kaugnay ng isyu.
Samantala, sinabi naman ni Sen. Trillanes sa isang statement noong Biyernes na kapag lumabas ang warrant of arrest ay agad siyang maglalagak ng pyansa sa kinauukulang korte ngayong araw.
Tags: NCRPO, sen. trillanes, warrant of arrest
Hindi na maghahain ng motion for consideration ang Duterte administration sa desisyon ng Makati Regional Trial Court Branch 148 na huwag maglabas ng warrant of arrest laban kay Senador Antonio Trillanes.
Bagkus inihahanda na ng Office of the Solicitor General ang isusumite nitong petition sa Court of Appeals (CA).
Matatandaang denied ni Makati Judge Andres Soriano ang motion ng Department of Justice (DOJ) na ipaaresto si Trillanes kaugnay ng kasong kudeta na kinaharap nito dahil sa nangyaring 2003 Oakwood mutiny.
Una nang dinismiss ng korte ang kaso matapos mabigyan ng amnestiya ang senador sa panahon ng administrasyong Aquino.
Ayon kay Presidential Spokesperson at Chief Presidential Legal Counsel Salvador Panelo, nakatuon ang petisyong isusumite ng SolGen sa CA sa denied motion for arrest at pagsalig umano ng naturang korte sa secondary evidence sa usapin kung nakapagsumite ba ng nararapat na application sa kaniyang amnesty si Trillanes o hindi.
Bagaman una nang ipinahayag ng palasyo na ginagalang nila ang desisyon ng korte, sinabi ni Panelo na may mga desisyong lisya ang Makati RTC Branch 148.
Ayon kay Panelo, handa ang SolGen na iapela ang kaso hanggang sa Korte Suprema.
Ang mahalaga para sa Malacañang at kay Pangulong Duterte, napagtibay ng korte ang Proclamation 572 at maaaring ideklara ng isang pangulo na void o walang bisa ang isang amnestiyang ipinagkaloob na sa isang indibidwal.
( Rosalie Coz / UNTV Correspondent )
Tags: Court of Appeals, Duterte administration, sen. trillanes
Natanggap na kahapon ni Senator Antonio Trillanes IV ang desisyon ng Branch 148 ng Makati Regional Trial Court na hindi pumapabor sa mosyon ng Department of Justice (DOJ) na paglalabas ng alias warrant of arrest laban sa senador dahil sa kasong kudeta.
Ang hiling na ito ng DOJ ay matapos ipawalang-bisa ni Pangulong Duterte ang amnestiya na tinanggap ng senador noong 2011. Natuwa naman ang senador sa desisyon na ito ng korte.
Ayon sa legal counsel ng Senador na si Atty. Rey Robles, ipinapakita lang ng desisyon na ito na kinakatigan ng korte ang kanilang posisyon na nakumpleto ng senador ang mga kinakailangan sa pagkuha niya ng amnestiya, maging ang kasong kudeta ay nananatili na umanong sarado. Nakahinga na rin ng maluwag ang senador at wala na umanong banta ng anumang pag-aresto sa kaniya kabilang na ang banta ng court martial.
Hihintayin na lamang ng kampo ni Trillanes ang kalalabasan ng inihain nitong motion for reconsideration sa Branch 150 ng Makati RTC para sa kasong rebelyon. Maging ang deliberasyon sa Korte Suprema kaugnay ng ligalidad ng proklamasyon ni Pangulong Duterte ay pinaghahandaan na rin ng senador.
Para kay Senator Bam Aquino, hindi lamang ito tagumpay ni Trillanes kundi tagumpay rin ng rule of law sa bansa.
Nirerespeto naman ng Malakanyang ang desisyon ng korte at sinabing welcome naman sa kanila ang pagpapatibay ng korte sa proklamasyon ni Pangulong Duterte. Tanda na ang administrasyon umano ay walang ginagawang political persecution sa kaniyang mga kritiko.
Ipapaubaya na lamang rin ng Malakanyang sa DOJ at Office of the Solicitor General ang susunod na hakbang kaugnay ng kaso ng senador.
( Nel Maribojoc / UNTV Correspondent )
Tags: DOJ, kudeta, sen. trillanes
