Tinulungan ng UNTV News and Rescue Team si Bryan Sararaña, 30 taon gulang na naaksidente sa motorsiklo sa Diversion Road, Brgy Cuartero,Jaro Iloilo City, Myerkules ng gabi.
Ayon sa nakasaksi mabagal ang pagpapatakbo ng biktima ngunit nawalan ito ng control sa kanyang motorsiklo kaya sumadsad sa daan.
Nagtamo si Sararaña ng mga gasgas mukha at tuhod .
Nilapatan ng pang unang lunas ng grupo ang mga tinamong gasgas sa kaliwang bahagi ng tuhod, kamay at mukha ni Sararaña at pagkatapos ay dinala na ito sa Western Visayas Medical Center upang magamot.
Samantala isang lalakeng ang nilapatan ng pang unang lunas ng UNTV News and Rescue sa Barangay San Pedro Jaro Iloilo City, madaling araw ng Myerkules.
Nagtamo ng posibleng bali sa tadyang ang biktima na kinilalang si Raphy Jornado, matapos na matumba sa bisiklita.
Ayon sa salaysay ng ina ng biktima nakaugalian na nang kanyang anak na magbisikleta kahit na ito ay naka-inom ng alak.
Samantala, tumanggi naman ang ina ng biktima na dalhin pa ang kanyang anak sa pagamutan.
(UNTV NEWS)
