Dalawa ang nasawi at labing apat ang sugatan sa panibagong shooting incident sa Florida.
Ayon sa mga ulat, nangyari ang pamamaril habang nagdaraos ng teen party sa isang nightclub sa Fort Myers, Florida.
Wala pa namang ibinigay na detalye ang Fort Myers Police maliban sa impormasyonna isang gun man ang inaresto ng mga otoridad.
Naganap ang pamamaril, isang buwan matapos ang shooting incident sa isang night club sa Florida kung saan apatnaput siyam ang nasawi
(UNTV RADIO)
Tags: Florida, Fort Myers, shooting incident
Tatlo ang nasawi, samantalang tatlo naman ang sugatan sa pamamaril ng isang female shooter sa isang rite aid distribution center sa Aberdeen, Maryland USA. Patay din ang suspek matapos magbaril naman sa sarili.
Naganap ang pamamaril Huwebes ng umaga sa Amerika. Kinilala ang female shooter na si Snochia Mosely, 26 na taong gulang na mula sa Baltimore County.
Batay sa mga ulat, isa itong disgruntled employee. Namaril ito sa labas ng gusali ng rite aid at sa katabing warehouse.
Nasa isang libo ang empleyado ng naturang pasilidad ayon sa company spokesman na si Pete Strella.
Nangyari ang pamamaril ilang milya ang layo sa Aberdeen Proving Ground, isang malaking army facility kung saan binubuo at sinusubok ang military technology.
Agad namang rumesponde ang mga tauhan ng Bureau of Alcohol, Tobacco, Firearms and Explosives mula sa tanggapan ng Baltimore gayundin ang FBI.
Nangyari ang shooting isang araw matapos mamaril ang isang lalake kung saan nasugatan ang apat kabilang ang isang police officer sa Pennsylvania court building.
Napaslang naman ang suspek ng mga tauhan ng pulisya ayon sa Pennsylvania State Police.
Agad namang inalerto ng embahada ng Pilipinas ang mga miyembro ng Filipino community sa Maryland at pinaiwas sa lugar ng insidente.
Sa pinakahuling ulat ng Department of Foreign Affairs, walang Pilipino na nadamay sa nangyaring pamamaril.
Tags: Amerika, patay, shooting incident
Ipinahayag ni Department of Foreign Affairs Secretary Allan Peter Cayetano na walang Filipino na nadamay sa shooting incident sa Maryland, USA.
Sa statement na inilabas ng DFA, nagpahayag ito ng pakikiramay sa mga pamilya at kamag-anak ng mga nasawi.
Lima ang nasawi nang pasukin ng isang suspek na nasa trenta anyos na lalaki ang newsroom ng isang pahayag at pagbabarilin ang mga naroon.
Ayon sa DFA, mayroong 7,900 na Pinoy sa 3rd congressional district ng Maryland kabilang na ang mga nasa Anne Arundel Country.
Tags: DFA, Maryland, shooting incident
Tiniyak ng Malakanyang na masusing iimbestigahan ang Mandaluyong shooting incident na kinasasangkutan ng mga pulis.
Sinabi ni Presidential Spokesman Harry Roque, marapat lamang ang ginawa ng pinuno ng Eastern Police District na dis-armahan ang mga pulis na sangkot sa pamamaril.
Dalawa ang nasawi at dalawa ang sugatan sa pitong sakay ng SUV sa brgy. Addition Hills matapos na pagbabarilin ang mga ito ng mga tauhan ng Mandaluyong police sa barangay Addition Hills kagabi.
Nasa kustodiya na ng Mandaluyong police ang tatlong iba pang sakay ng SUV, ang mga pulis na sangkot sa pamamaril , at tatlong kawani ng barangay para isailalim sa imbestigasyon.
Samantala, pinaiimbestigahan na rin ni Justice Sec. Vitaliano Aguirre sa National Bureau of Investigation ang shooting incident sa Mandaluyong City. Sa kautusan inilabas ng kalihim, inatasan nito ang NBI na alamin kung sino ang dapat managot sa insidente at sampahan ito ng kaso sakaling may sapat na ebidensiya.
Inatasan din ni Aguirre si NBI Director Dante Gierran na iulat sa kaniya ang magiging mga hakbang sa imbestigasyon sa insidente.
Tags: Malakanyang, Mandaluyong, shooting incident
