Hinihikayat ng Department of Labor and Employment o DOLE ang mga bagong graduate, first time job seekers maging ang mga nagbabalik-bansang semi-skilled Overseas Filipino Workers na mag-apply sa Information Technology Business Process Management o IT-BPM sector.
Ito ay dahil nasa 1.9 million na trabaho ang kinakailangang punan sa nasabing sektor ngayong taon at mas mataas ang sweldo kumpara sa ibang entry-level na trabaho.
Ilang trabahong maaring pasukan sa IT-BPM sector ang call centers, IT help desk, taxi dispatch; employees o human resource help desks, media entertainment at marami pang iba.
(UNTV NEWS)
Good news sa mga kasambahay sa Metro Manila!
May ipatutupad na 1,500 na umento sa minimum na pasahod sa inyo bago matapos ang taon ayon sa Department of Labor and Employment (DOLE).
Ayon kay Labor Secretary Silvestre Bello III, aprubado na ng regional wage board ang 5,000 pesos na minimum na sahod ng mga kasambahay. Hinihintay na lamang aniya ang pormal na umpisa ng implementasyon nito.
Muli ring nagpaalala ang kalihim sa mga employer na dapat kumpleto ang benepisyo ng kanilang mga kasambahay gaya ng SSS, Philhealth at Pagibig.
“Iyong regional tripartite wage board here in Metro Manila submitted a wage adjustment of I think 1,500 for Metro Manila so what originally was 3,500 for our kasambagay in Metro Manila it is now P5,000,” ani Silvestre Bello III, Labor Secretary.
(Aiko Miguel | UNTV News)
METRO MANILA, Philippines – Pinirmahan na noong Lunes, May 1, 2019 sa mismong araw ng paggawa ang batas ukol sa Expanded Maternity Leave para sa mga manggagawang babae na manganganak.
Sa ilalim ng batas, lahat ng mga manggagawang ina sa gobyerno at private sector ay binibigyan na isandaan at limang (105) araw na paid maternity leave at karagdagang labing limang araw na paid leave para naman sa mga single mother.
“Dapat i-appreciate yan ng mga employer alam mo kung bakit. This expanded maternity leave is intended to improve and ensure the health of our lady worker. Ang mga employers, when they hire workers they rise on the basis of their competence and integrity, hindi yun sa buntis o sa ganda its on the confidence and integrity of the worker kaya yung dagdag na araw na kanilang leave it should not be a concern of our employer. Mayroon naman tayong inspectorial power pwede naming inspeksyunin yan atsaka may anti-gender discrimination law,” pahayag ni Labor Secretary Silvestre Bello III.
Sa Expanded Maternity Leave maaari ay pang mag-extend ng dagdag na tatlumpung (30) araw ngunit walang bayad, kung magbibigay ng writng notice ng mas maaga ng 45 days bago matapos ang maternity leave nito.
(Leslie Huidem | UNTV News)
Tags: Department of Labor and Employment, Expanded Maternity Leave Law, Sec. Silvestre Bello III
MANILA, Philippines – Inilabas na ng Department Of Labor And Employment (DOLE) ang implementing rules and regulations para sa Telecommuting Act o mas kilala bilang work-from-home scheme.
Sa ilalim ng batas, maaaring makapagtrabaho mula sa kanilang bahay o sa labas ng opisina ang isang empleyado ng pribadong sektor.
Ayon kay Labor Secretary Silvestre Bello III, “Bahagi ng panuntunan na hindi dapat bababa sa minimum na pamantayan sa paggawa na itinakda ng batas.”
Kasama na rito ang oras ng pagta-trabaho, tamang bayad, sapat na araw ng pahinga, leave at social benefits at iba ang karapatan ng isang empleyado.
Ang naturang batas ay magiging epektibo labing limang araw matapos itong mailathala.
Tags: Department of Labor and Employment, DOLE, Implementing Rules and Regulations, work- from-home scheme
