Nairobi, Kenya(REUTERS)
Patuloy ang rescue operations sa mga na-trap sa gumuhong anim na palapag na residential building sa Nairobi, Kenya noong Biyernes ng gabi.
Umakyat na sa labing anim ang nasawi at nasa pitumput tatlo ang nawawala at pinangangambahang natabunan ng gumuhong gusali.
Ayon sa ilang residente, ang anim na palapag na gusali ay itinayo sa isang waterway at nakakaharang sa pag-agos ng tubig na maaaring siyang nagpahina sa pundasyon nito.
Problema naman ang pagpasok ng emergency service sa lugar dahil sa makipot na daan at baha sa mga kalsada bunsod ng mga pag-ulan na ngayon ay nasa ikatlong araw na.
Ilang lugar na sa Nairobi ang paralisado dahil sa malakas na buhos ng ulan.
