Isinumite ni Pangulong Rodrigo Duterte sa Kongreso ang 11-pahinang veto message nito para sa ilang items sa 3.7 trillion pesos 2018 national budget o Republic Act 10964, the General Appropriations Act for 2018.
Una ay ang pangongolekta ng monitoring expenses ng movie television review and classification board.
Ayon sa punong ehekutibo, batay sa Standardization Law, ang lahat ng mga opisyal ng MTRCB ay tumatanggap na ng honoraria at per diem para sa pagtupad sa kanilang tungkulin.
Vetoed din ng punong ehekutibo ang item na pangongolekta ng bayad sa retention o reacquisition ng Philippine citizenship, gayundin ang paggamit ng Department of Education sa school maintenance at operating expenses sa pagbayad ng items na maituturing na capital outlay.
Pinaalis din ni Pangulong Duterte ang probisyon na paggamit sa kita ng Energy Regulatory Commission para i-augment ang operational requirements nito.
Dapat aniyang maging epektibo ang paggamit ng ERC ng budget nito na nagkakahalaga ng 413.60 million pesos.
Samantala, bahagi rin ng veto message ni Pangulong Duterte para sa Kongreso ang pagpapahintulot na magkaroon ng trust fund na manggagaling sa express lane at charges na kinokolekta ng Bureau of Immigration.
Ang trust fund ay gagamitin pambayad sa sweldo at overtime ng mga empleyado ng BI. Ipatutupad ito hanggang mapagtibay ng Kongreso ang bagong Immigration Modernization Law sa 2018.
( Leslie Longboen / UNTV Correspondent )
Tags: 2018 national budget, Kongreso, pangulo
METRO MANILA – Niratipikahan na kagabi (December 11) ng 2 kapulungan ng Kongreso ang P5.768-T na national budget para sa susunod na taon.
Sa Senado, tanging si Senate Minority Leader Aquilino “Koko” Pimentel Junior lamang ang bumoto laban sa ratipikasyon ng 2024 General Appropriations Bill.
Naarubahan na rin sa plenaryo ng Kamara ang pambansang pondo sa pamamagitan ng simple voice vote.
Pirma na lang ni Pangulong Ferdinand Marcos Junior ang kinakailangan upang ganap itong maisabatas.
Tags: 2024 Budget, Kongreso, PBBM
METRO MANILA – Inihain sa mababang kapulungan ng Kongreso ang isang panukalang batas na layong itaas sa P750 ang arawang sahod ng mga manggagawa.
Saklaw nito ang mga empleyado sa pribadong sektor sa buong bansa kasama ang mga manggagawa sa agricultural at non-agricultural enterprises.
Nakasaad sa panukala na ito ang tugon para matapalan ang malaking puwang sa pagitan ng cost of living at kasalukuyang minimum wage na nagkalahalaga ng ₱570 sa Metro Manila.
Sa isang pahayag, sinabi ni Gabriela Womens Partylist Representative Arlene Brosas na sasapat na ang P750 na daily wage para matustusan ang mga pangangailanan ng ordinaryong pamilyang Pilipino.
METRO MANILA – Ilang panukalang batas ang hiniling ni Pangulong Bongbong Marcos Jr. na mabigyang prayoridad ng kongreso sa kanyang kauna-unahang State of the Nation Address (SONA).
Kabilang na riyan ang pagpasa ng amyenda sa Republic Act 6657 o ang Comprehensive Agrarian Reform Law.
Umaasa rin ang pangulo na sa pakikipagtulungan sa kongreso, makapagtatatag ang Pilipinas ng sariling Center for Disease Control and Prevention.
Ganoon din ang pagpapatayo ng isang vaccine institute.
Nais din ni PBBM na magtatag ng specialty health centers at clinics na dadalhin sa mga probinsya.
Hiniling din ng pangulo ang pagkakaroon ng batas para sa National Government Rightsizing Program.
Ilan pa sa hiniling ng pangulo na maipasa ng pangulo ang Budget Modernization Bill, Dept of Water Resources, National Defense Act at ang Mandatory Reserve Officers Training Corps (ROTC) at pag amyenda sa ilan pang batas gaya ng Electric Power Industry Reform Act o EPIRA law of 2001.
Umani naman ito ng iba’t ibang reaksyon mula sa mambabatas.
(Harlene Delgado | UNTV News)
