Isang lalaki ang tinulungan ng UNTV News and Rescue Team matapos mabugbog sa La Trinidad, Benguet.
Kwento ng biktimang si Edwin Sagudic, 28 anyos, at namamasukan bilang trader sa La Trinidad Trading Center, kasama niya ang kanyang mga katrabaho nang mapagdiskitahan sila ng isa pang grupo na umano’y nag-iinuman sa lugar.
Nagka-pikunan umano at humantong sa away ang sagutan ng dalawang grupo.
Nagtamo ng mga galos sa katawan at namaga ang mukha ni Sagudic na agad namang binigyan ng paunang lunas ng rescue team.
Matapos nito ay tumanggi na siyang magpadala sa ospital at sa halip ay naghain ng reklamo sa La Trinidad Police Station. ( Grace Doctolero / UNTV News )
