METRO MANILA – Pansamantalang isusupinde ang biyahe ng MRT-3 at LRT-2 sa darating na March 28 hanggang March 31.
Ito ay upang bigyang-daan ang taunang maitenance sa mga linya ng tren.
Ayon sa management ng MRT-3, mananatili ang kanilang regular operations hanggang sa araw ng Miyerkules March 27.
Habang ang LRT-2 mas maikli na ang oras ng operasyon, kung saan bibiyahe ang huling ng tren ng hanggang ala-7 ng gabi lamang.
Muli namang babalik sa normal ang biyahe ng MRT-3 at LRT-2 pagsapit ng April 1, araw ng Lunes.
METRO MANILA – Naisumite na ng MRT-3 management ang fare hike petition sa rail regulatory unit kaugnay ng hinihiling nilang dagdag pasahe sa linya ng tren.
Ayon kay MRT-3 Officer in Charge Assistant Secretary Jorjette Aquino, hininihintay na lang nila ang notice to publish para maipalathala na sa mga pahayagan ang nilalaman ng petisyon.
Kapag naaprubahan ito, magkakaroon na ng public hearing upang pag-usapan kung napapanahon nang magkaroon ng taas pasahe sa MRT-3.
Ayon kay Asec. Aquino, inaasahan nila na sa Abril hanggang Mayo ay posibleng maaprubahan na ang taas pasahe sa MRT.
Paliwanag pa ng opisyal, napapanahon na ito upang madagdagan ang revenue o kita ng MRT-3 na gagamitin sa maintenance at operational cost sa buong linya ng tren.
Base sa petisyon ng MRT-3 management, humihiling ang mga ito ng P2.29 na dagdag sa boarding fare.
Habang P0.21 naman na dagdag sa kada kilometrong biyahe.
Kapag naaprubahan ang taas pasahe sa MRT-3, ang dating minimum fare na P13 ay magiging P16 na.
Habang ang end-to-end stations ay aabot ng P34 mula sa kasalukyang P28.
Taong 2015 pa nang huling magkaroon ng adjustment sa pasahe ang MRT-3
Sa ngayon, nasa P87 ang sina-subsidize ng gobyerno sa pamasahe sa bawat sakay ng isang pasahero, na kinukuha naman mula sa pondong inilalaan sa DOTr taon-taon.
METRO MANILA – Hindi na palalawigin pa ng management ng MRT-3 at LRT-2 ang oras ng biyahe ng kanilang mga tren ngayong taon.
Ito ay kahit nakagawian na noong nakalipas na mga taon ang pagkakaroon ng extension sa operating hours ng mga tren tuwing holiday season kung saan inaasahan ang dagsa ng mga pasahero bunsod ng extended mall hours sa Metro Manila dahil sa holiday rush.
Paliwanag ng pamunuan ng MRT-3 hindi na nila kakayanin na mag-extend pa ng oras ng biyahe ngayong holiday season dahil maapektuhan nito ang oras na nakalaan para sa maitenance ng mga tren.
Ayon kay MRT-3 Officer-In-Charge at General Manager Assistant Secretary Jorjette Aquino, kung tutuusin ay kulang pa aniya ang 5 oras na window hours mula alas-11 ng gabi hanggang alas-4 ng umaga para sa maintenance ng mga tren.
Gayunman, pinag-aaralan aniya ng MRT-3 na magpatupad ng libreng sakay sa December 25
Samantala, ipinahayag ni Light Rail Transit Authority Administrator Atty. Hernando Cabrera na hindi rin sila magpapatupad ng extension sa operating hours ng LRT-2 sa holiday season gaya sa mga nakalipas na taon.
Tags: Extension, LRT-2, MRT-3, operating hours
METRO MANILA – Magkakaloob ng libreng sakay ang MRT-3 sa mga menor de edad sa darating na November 6 bilang pakikiisa sa pagdiriwang ng National Children’s Month.
Sa isang pahayag, inanunsyo ni Council for the Welfare of Children (CWC) Executive Director Angelo Tamales ang libreng sakay ng mga bata sa MRT-3.
Available ang libreng sakay mula alas-7 hanggang alas-9 ng umaga at alas-5 ng hapon hanggang alas-7 ng gabi.
Tags: libreng sakay, MRT-3
