Nais paimbestigahan ng Human Rights Watch si Davao City Mayor Rodrigo Duterte
Ito ay matapos ng pahayag ni Duterte na, “Am I the death squad? true. that is true,”
Paliwanag ng Mayor, ang kanyang naging pahayag ay para hamunin lamang ang mga Human Rights groups na pumunta ng Davao City at magsampa ng kaso laban sa kanya.
Bagamat hindi direktang inamin ni Duterte na may koneksyon sya sa Davao Death Squad, nababahala pa rin ang Commission on Human Rights o CHR hinggil sa isyu.
Ayon sa CHR, dahil sa naging pahayag ni Duterte , kinukunsidera na imbestigahan ang mga kaso ng pagpatay sa Davao.
Susulatan ng CHR ngayong linggo si Mayor Duterte kaugnay ng mga pahayag nito
Sa naging imbestigasyon CHR noong 2012 kaugnay ng Davao Death Squad, wala silang nakitang koneksyon ni Mayor Duterte sa grupo
Dagdag pa ng CHR, hindi rin nabibigyang pansin ng Mayor ang pag reresolba sa kaso ng pagpatay sa Davao City na may kaugnayan sa Davao Death Squad. (Roderic Mendoza/UNTV News)
Maaaring buksan muli ng Senado ang imbestigasyon ukol sa umano’y Davao Death Squad at sa mga kaso ng pagpatay sa Davao City noong alkalde pa lamang ng lungsod si Pangulong Rodrigo Duterte.
Ito ay matapos magmanipesto sa plenaryo si Sen.Trillanes kahapon kasunod ng naging press conference ni Retired Police Arthur Lascañas na nagsabing mayroon talagang Davao Death Squad.
Nai-refer ang manipesto ni Trillanes sa Committee on Public Order and Dangerous na pinamumunuan ngayon ni Sen. Panfilo Lacson.
Maaalalang noong Oktubre ay unang humarap sa pagdinig ng Senado si Lascañas at itinanggi ang mga pahayag noon ni Edgar Matobato.
Binawi lahat ito ni Lascañas kahapon at sa harap ng media ay dinetalye ang mga ginawang pagpatay umano noon ng DDS.
Aniya, umaabot hanggang isang daang libong piso ang bayad sa kanila ng noo’y si Davao Mayor Rodrigo Duterte kapalit ng pagpatay sa mga target.
Kabilang aniya sa kanilang mga isinagawa ay ang pambobomba sa ilang mosque, pag-massacre ng isang pamilya, pagpatay kay Jun Berzabal at sa radyo commentator na si Jun Pala.
Naging emosyonal naman siya nang aminin ang pagpatay sa sariling mga kapatid dahil sa kanyang katapatan sa kampanya kontra droga ni Mayor Duterte.
Nakiusap rin ito sa mga kapwa niya pulis na pakinggan ang kanilang mga kunsesnya at tigilan na ang mga pagpatay
Ayon naman sa kanyang mga abogado mula sa Free Legal Assistance Group o FLAG, kusang loob ginawa ni Lascañas ang pagbubunyag na ito at tetestigo rin ito laban sa pangulo at sa iba pang pinangalan niya.
Ayon din sa FLAG, kung mapatunayan ang mga alegasyon laban sa pangulo, maituturing itong valid ground para sa impeachment.
Bagaman bahagi ng FLAG si Atty. Jose Marie Diokno na tumatayong lead legal counsel ni Sen. Leila de Lima sa mga kaso nito na may kinalaman sa droga, kinlaro naman nitong walang ugnayan ang kaso ng senadora sa mga inihayag ni Lascañas.
Aniya, parehong kliente niya ang mga ito at walang kuneksyon ang development sa kaso ng senadora sa timing ng press conference ni Lascañas laban sa pangulo.
(Joyce Balancio / UNTV Correspondent)
Tuloy na ngayong araw ang proklamasyon ng kongreso kina Davao City Mayor Rodrigo Duterte at Representative Leni Robredo bilang nanalong presidente at bise-presidente sa nakaraang halalan
Magre-reconvene para sa isang joint session ang Senado at Kamara mamayang alas dos ng hapon kung saan aaprubahan nito ang report ng National Board of Canvassers o NBOC na nagpapatunay na Duterte at Robredo ang nag wagi sa May 9 elections at pagkatapos nito ay agad na isasagawa ang proklamasyon.
Pasado alas syete ng gabi noong byernes ng matapos ng NBOC ang opisyal na pagbibilang ng mga boto para sa presidente at bise presidente.
Nakuha ng pinaka malaking boto sa presidential race si Duterte na mayroong 16,601,997 votes habang si Representative Leni Robredo naman ang nakakuha ng pinakamataas na boto sa vice presidential race na may fourteen million, four hundred eighteen thousand, eight hundred seventeen votes.
(UNTV NEWS)
Tags: Davao City Mayor Rodrigo Duterte, Representative Leni Robredo
Ala-una impunto nang magsimula magsalita si Secretary Mar Roxas sa LP headquarters sa Cubao, Quezon City.
Maluwag na tinanggap ni Secretary Mar ang kaniyang pagkatalo kay Davao City Mayor Rodrigo Duterte. Aniya, base sa unofficial count ng COMELEC, malinaw na si Mayor Duterte ang magiging susunod na pangulo ng Pilipinas at hiniling nito ang tagumpay ng magiging pamumuno ni Duterte.
Sa kabila ng pasasalamat ni Roxas sa lahat ng kanyang mga tagasuporta, sa partido Liberal at sa silent majority, sinabi nito na ang laban ng kaniyang runningmate na si Congresswoman Leni Robredo ay hindi pa tapos at patuloy aniyang magbantay, manalig at masigurong mababantayan ng tama ang boto para kay Robredo.
Sa kasalukuyan base sa partial unofficial results, as of 1:38 pm si Representative Leni Robredo ay patuloy na nangunguna sa mahigpit na katunggali nito na si Senator Bongbong Marcos.
Si Robredo ay nakakuha ng botong 13,450,985. Samantalang si Marcos ay may botong 13,263,701.
(Meryll Lopez / UNTV Radio Correspondent)
Tags: Administration bet Mar Roxas, Davao City Mayor Rodrigo Duterte
