Dalawang sundalo na naaksidente sa Cabanatuan City, tinulungan ng UNTV News and Rescue

by Radyo La Verdad | July 27, 2016 (Wednesday) | 3651

TMBB-CABANATUAN
Tinulungan ng UNTV News and Rescue Team ang dalawang sundalo na nasugatan sa banggaan ng motorsiklo at kotse sa Barangay Camp Tinio, Cabanatuan City kahapon ng umaga.

Kinilala ang mga biktima na sina Private First Class Ador Velasco at Corporal Rommel Sumawang na pawang military enlisted officers.

Nagtamo ang dalawa ng sugat sa iba’t ibang bahagi ng katawan na agad namang binigyan ng paunang-lunas ng UNTV News and Rescue.

Kwento ng dalawa, papunta sila sa Fort Ramon Magsaysay upang umayuda sa pagbisita ni Pangulong Rodrigo Duterte sa kampo nang mabangga sila ng kotse.

Matapos bigyan ng first aid ay dinala na ng grupo ang dalawa sa 7th Infantry Division Headquarters Hospital.

(Grace Doctolero/UNTV Radio)

Tags: , ,