Mahigit 40 kaso na ng mga batang inuugnay ang kamatayan sa Dengvaxia ang hawak ngayon ng Department of Health (DOH). Pero ayon sa kagawaran, siyam lamang sa kanila ang nagkaroon ng severe dengue.
Umabot na rin sa mahigit 10,000 libo ang nagkasakit ng dengue sa unang dalawang buwan ngayong taon pero maliit na porsyento lang dito ang nasawi.
Ayon kay Health Secretary Francisco Duque III, patunay lamang ito na mababa ang dengue fatality rate sa bansa, nabakunahan man o hindi ng Dengvaxia.
Nilinaw rin ng kalihim na hindi lahat ng mga dinadala sa ospital na mga nabakunahan ng Dengvaxia ay nagkasakit dahil sa naturang bakuna. Gaya na lamang sa dalawang kaso ng vaccinee na dinala sa Tondo Medical Center.
Samantala, sa pag-iikot ng kalihim sa mga ospital kahapon, napansin nito ang kakulangan sa mga hospital beds sa mga pagamutan.
Sa isang ospital, magkasama sa isang kama ang dalawang bata na magkaiba ang sakit.
Kaya nais ni Sec. Duque na hilingin sa Kongreso na ipaubaya na sa DOH ang pagpapasya kaugnay sa bilang ng mga hospital beds sa mga pampublikong ospital.
( Aiko Miguel / UNTV Correspondent )
Tags: dengue fatality rate, Dengvaxia, DOH
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
