DFA Sec. Alan Peter Cayetano at Russian counterpart nito, nagharap sa bilateral meeting kahapon

by Radyo La Verdad | May 26, 2017 (Friday) | 2547


Nagharap sa isang bilateral meeting kahapon sina Department of Foreign Affairs Secretary Alan Peter Cayetano at Russian Foreign Affairs Minister Sergey Lavrov.

Dito muling nagpasalamat si Secretary Cayetano sa pag-unawa ng Russia kung bakit kinailangan putulin ni Pangulong Rodrigo Duterte ang kaniyang official visit dahil sa tensyon sa Marawi City at maging sa ginawang pag-adjust ni Russian President Vladimir Putin sa kaniyang schedule upang makausap si Pangulong Duterte bago ito umalis pabalik ng Pilipinas.

Sa panig naman ni Minister Lavrov sinabi nitong suportado ng Russia ang kampanya ng Administrasyong Duterte laban sa terorismo at iligal na droga.

Inihayag naman ni Minister Lavrov na bukas ang russia na muling tanggapin si Pangulong Duterte anumang oras nito nanaising bumalik sa kanilang bansa.

(Victor Cosare)

Tags: , , ,