Tumaas ang tax revenue collection ng Bureau of Internal Revenue sa mga nakalipas na taon.
Sa taong 2013, umabot ng mahigit isang trilyong piso ang kita ng pamahalaan sa pagkolekta ng buwis.
Ngayong target ng administration ni Pangulong Duterte na babaan ang income at corporate tax rate sa bansa, nangangamba ng ilan na bumaba rin ang revenue tax collection ng pamahalaan.
3/4 ng kita ng pamahalaan ay galing sa income at corporate taxes na nakolekta ng BIR.
Kaya naman may ilang suhestiyon na taasan na lamang ang value added tax o vat mula 12 percent sa 14 percent upang ma-offset o mabawi ang mawawalang kita kung ibababa ang income at corporate tax.
Sinabi naman ni Finance Secretary Carlos Dominguez, hindi na kailangang taasan pa ang vat dahil kaya namang makakolekta ng pamahalaan ng mataas na halaga ng buwis kahit babaan ang tax rate sa bansa.
Target ng pamahalaan na makakolekta ng mahigit dalawang trilyong pisong buwis ngayong taon.
Mas mataas ito kumpara sa tax collection na 1.442 trillion pesos noong isang taon.
Ayon naman kay dating BIR Commissioner Liwaylway Vinzons-Chato, posible parin na mataas ang magiging revenue tax collection ng pamahalaan kahit na babaan ang income at corporate tax kung pagtutuunan ng pansin ang pagkolekta ng buwis sa mga individual tax payer na malaki ang kita.
Ayon naman kay Senate President Koko Pimentel, susubukan ng senado na maipasa ang tax reform bago matapos ang kasalukuyang taon.
(Darlene Basingan / UNTV Correspondent)
Tags: DOF, hindi maaapektuhan ng tax reforms, kita ng pamahalaan
METRO MANILA – Posibleng umabot sa 5.6% ang Gross Domestic Product (GDP) growth ng Pilipinas sa taong 2023 at umakyat pa ng hanggang 5.8% pagdating ng taong 2024.
Base sa Philippine Economic Update December 2023 edition ng world bank, ang labor market at remittances ang patuloy na mapapalakas sa household consumption.
Ang pagtataya na ito ng World Bank ay mas mababa sa inaasahan ng pamahalaang Pilipinas na magiging paglago ng ekonomiya sa 6% hanggang 7%, at 6.5% hanggang 8% sa taong 2024.
Ayon sa international lender, inaasahan na ang magpapaunlad sa ekonomiya ng Pilipinas ay ang services sector na kinabibilangan ng transportasyon, communications, real estate , hotel at iba pa.
Sinusuportahan din ito ng patuloy na pagbangon ng turismo , magandang estado ng information technology at Business Process Outsourcing (BPO) industry.
Sa kabila nito, ayon sa World Bank Country Director Ndiame Diop, naapektuhan ang private investments ng mataas na inflation, at mataas na paghiram ng pera at kawalan ng katiyakan sa nangyayaring tensyon sa ibang bansa.
Kailangan aniyang ipatupad ang mga reporma ng administrasyon para kayaning maharap ang mga hamon na ito.
Bago ang ulat na ito ng world bank, nagpahayag na ng kumpiyansa ang Department of Finance (DOF) sa estado ng ekonomiya ng bansa at inaasahang malalapagpasan pa ang ibang mga bansa sa Asya.
Ilang hakbang ang tututukan ng administrasyon upang maabot ang tinatarget ng economic growth at makontrol rin ang inflation.
Kabilang na ang mabilis at maayos na paggamit ng pondo ng mga ahensya, pataasin ang produksyon sa agrikultura at targeted subsidy para sa mga sektor na apektado ng inflation.
Tags: DOF, World Bank
METRO MANILA – Dinepensahan ng economic managers sa budget hearing sa senado ang ginagawang pag-utang ng bansa sa kabila ng patuloy na paglobo nito.
Paliwanag ni National Treasurer Rosalia De Leon, kailangan talagang umutang para matustusan ang malaking bahagi ng national budget.
Depensa ni Finance Secretary Benjamin Diokno, sa investments para sa imprastraktura napupunta ang mga ito na makatutulong sa paglago ng ekonomiya.
“Hindi naman po nakakatakot yung 60% of our GDP ay reasonable po yun, manageable. If you look at the composition of the budget is talagang pro-poor po ‘yan.”ani Finance Secretary Benjamin Diokno.
Tags: DOF, GDP, PH Economy
METRO MANILA – Nilinaw ni Department of Finance Secretary Benjamin Diokno, na hindi kasama sa mga maaalat na pagkain na planong taasan ng buwis ang instant noodles.
Ayon kay Diokno, bagaman maalat ang mga instant noodles, ito ang abot-kayang ulam na madalas ay pinagsasaluhan ng mga mahihirap na pamilya.
Isinusulong ngayon na taasan ng buwis ang mga pagkaing walang nutritional value gaya ng mga junk food at sweetened beverages, para matugunan ang problema sa obesity sa bansa.
Layon din nito na madagdagan ang koleksyon ng buwis na ilalaan naman para sa Universal Health Care Program.
Tags: DOF, Instant Noodles
