Kabilang ang usapin sa ethics complaint laban kay Senator Antonio Trillanes ang tinalakay sa Senate Majority Caucus kahapon.
Ayon kay Senator Richard Gordon, nasa labing-apat na senador ang sumusuporta sa kaniyang reklamo laban sa senador.
Ang ethics complaint ay nag-ugat dahil sa nangyaring mainitang pagtatalo ng dalawa sa kalagitnaan ng imbestigasyon sa bilyong pisong shabu shipment probe noong nakaraang linggo.
Tiniyak naman ni Senate President Koko Pimentel na magiging patas ang pagtrato sa naturang ethics complaint.
Ayon sa chairman ng Senate Committee on Ethics na si Senator Tito Sotto, posibleng talakayin nila ang complaint na ito sa susunod na linggo kasama na ang ibang nakabinbin sa kanilang ethics complaint.
Handa naman si Trillanes na harapin ang reklamo.
(Nel Maribojoc / UNTV Correspondent)
