METRO MANILA – Dumaan sa masusing pag-aaral ang mga petisyon para sa dagdag-pasahe ng mga transport group.
Ito ang pahayag ng Land Transportation Franchising and Regulatory Board (LTFRB) matapos aprubahan ang fare increase sa ilang public utility vehicle (PUV).
Paliwanag ni LTFRB Chairperson Cheloy Garafil, mas mababa ang naaprubahang dagdag pasahe kumpara sa nakasaad sa mga fare hike petition.
Batay sa inaprubahan ng LTFRB, magkakaroon ng P1 dagdag-pasahe sa mga tradisyunanal at modern public utility jeepney (PUJ) sa unang 4 na kilometro na byahe.
Habang P0.30 naman ang karagdagan sa kada susunod na kilometro sa mga tradisyunal na dyip, at P0.40 naman sa modern PUJ.
Para naman sa mga city at provincial buses, inaprubahan ng board ang P2 dagdag-pasahe sa mga base fare nito sa unang 5 kilometrong byahe.
Habang ang mga susunod na byahe ay aakyat ng P0.35-P0.50 depende sa uri ng bus. Tataas din ang flag-down rate ng mga taxi at Transport Network Vehicle Service TNVS ng P5, ngunit wala nang dagdag sa mga susunod na kilometro ng byahe.
Ayon sa ilang transport groups, hindi man naibigay sa kanila ang kanilang buong kahilingan ay malaking tulong na rin ito para sa mga driver at operator ng mga PUV.
Ipatutupad ang dagdag-pasahe sa pampublikong sasakyan sa ika-4 ng Oktubre.
(Asher Cadapan Jr. | UNTV News)
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
