Sa tala ng Philippine Statistics Authority, tumaas ng 6.5% ang Gross Domestic Product ng bansa para sa ikalawang quarter ng 2017. Mas mataas ito ng isang puntos kung ikukumpara sa unang quarter. Sinusukat ng Gross Domestic Product o GDP ang kabuoang halaga ng mga produkto at serbisyo na nagagawa at nabibigay ng isang bansa.
Ayon kay National Economic Development Authority o NEDA Sec. Ernesto Pernia, sa ngayon pumapangalawa na ang Pilipinas sa China pagdating sa may pinakamalaking pag unlad ng ekonomiya sa Asya. Nahigitan na aniya ng ating bansa ang Vietnam at Indonesia.
Ang services at industry sectors partikular ang manufacturing, trade, real estate at business activities ang may pinakamalaking naambag sa pag-akyat ng GDP.
Maraming trabaho naman ang nalilikha sa patuloy na pag-unland ng sektor ng industriya at paggawa. Sinundan naman ito ng agriculture sector na patuloy na lumalago ngayong taon.
Nilinaw naman ng kalihim na hindi makakaapekto sa GDP ng bansa sa isyu ng bird flu outbreak sa pampanga dahil contained naman ang mga insidente sa lugar. Hindi rin aniya apektado ng kaguluhan sa Marawi ang economic growth at malaki pa rin ang naiiambag ng Mindanao sa overall GDP ng bansa.
Sa kabila ng pagtaas ng GDP nitong mga nakaraang buwan, inireport rin ng PSA na mas mababa naman ito, kumpara sa kaparehong pahanon ng 2016, na nasa 7.1. Paliwanag ng kalihim, karaniwang trend na mas mataas ang GDP ng bansa tuwing taon ng national elections kaysa sa post election year.
Umaasa naman ang kalihim na tataas pa ang GDP ng bansa ngayon taon at makakamit na target na hanggang 7.5% growth.
(Joyce Balancio / UNTV Correspondent)
METRO MANILA – Bahagyang bumilis sa 3.9% ang naitalang inflation rate sa bansa para sa buwan ng Mayo ngayong taon.
Ayon sa Philippine Statistics Authority (PSA), bahagyang mas mataas ito kumpara sa 3.8% na naitala noong Abril.
Gayunman ito na ang pinakamabilis na inflation rate na naitala ng PSA ngayong 2024.
Pero mas mababa pa rin ito kung ikukumpara sa 6.1% na record noong may 2023.
Paliwanag ng PSA, ilan sa mga factors na naka-ambag sa pagbilis ng inflation ay ang mabilis na pagtaas ng presyo ng housing, tubig at kuryente.
Gayundin ang presyo ng mga produktong petrolyo at transportasyon.
Sa isang pahayag sinabi naman ng Bangko Sentral ng Pilipinas na ang naitalang inflation rate ay pasok pa rin sa kanilang forecast ranger na 3.7% hanggang 4.5%.
METRO MANILA – Bahagyang nadagdagan na naman ang bilang ng mga Pilipinong walang trabaho noong Abril.
Batay sa datos ng Philippine Statistics Authority (PSA), umabot ito sa 4%.
Ito ay katumbas ng 2.4 milyong indibidwal na walang trabaho.
Mas mataas ito kumpara sa 3.9 % o 2 milyong indibidwal lamang na walang trabaho noong Marso.
Samantala, tumaas rin ang underemployment rate noong Abril na nasa 14.6% o 7.04 milyong Pilipino mula sa 12.9% noong isang taon.
Tags: PSA, Unemployed
METRO MANILA – Mula sa nakaraang 1.80-M na bilang ng mga Pilipinong walang trabaho noong February 2024, bahagyang tumaas sa nasa 2-M ang unemployment sa bansa para sa buwan ng mMrso ngayong taon.
Base sa latest report ng Philippine Statistics Authority (PSA), naitala sa 3.9% ang unemployment rate sa bansa para sa March 2024, na bahagyang mataas kumpara sa 3.5% na record noong Pebrero.
Gayunman mas mababa pa rin ito kung ihahambing sa 4.7% na unemployment rate sa kaparehong panahon noong nakaraang taon.
Paliwanag ni National Statistician PSA Undersecretary Dennis Mapa ilan sa mga pangunahing dahilan ng pagtaas ng bilang ng mga walang trabaho ay bunsod ng epekto ng El niño o matinding init ng panahon.
Bukod sa El niño, sinasabing marami rin ang nawalan ng trabaho dahil sa epekto ng African Swine Fever (ASF), kung saan maraming hog raisers ang nalugi.
Maging sa industriya ng construction, may nakita ring pagbaba sa unemployment ang PSA, kung saan nasa 214,000 ang mga nawalan ng trabaho. Kabilang na rito ang construction workers at electrical installers.
Samantala, bumaba naman sa 5.39-M ang bilang ng underemployment o yung mga naghahanap ng karagdagang oras o ekstrang trabaho.
Habang naitala naman sa 49.15-M ang bilang ng mga Pilipinong may trabaho para sa March 2024.
Nangako naman ang National Economic Development Authority (NEDA) na patuloy ang Marcos administration sa pagbubukas ng mga oportunidad upang makalikha ng mas maraming trabaho para sa mga Pilipino.
Tags: PSA, unemployment
