Isang warrant of arrest sana ang ihahain ng pinagsanib pwersa ng MPD District Police Intelligence Operation Unit at Don Bosco PCP sa isang suspek sa kasong murder sa Masinop corner Balimbing Street, Moriones Tondo, Manila pasado alas dos kaninang madaling araw.
Subalit nakatakas ang target nang tumakbo sa isang apartment, pero napatay naman sa operasyon ang isang lalaki na umanoy tulak ng ilegal na droga sa lugar.
Narecover sa suspek ang ilang sachet ng shabu at isang 45 caliber pistol.
Nadiskubre din ang isang maliit na kwarto na ginagawang drug den ng mga suspek.
Kinumpirma din ng mga opisyal ng barangay na matagal na inerereklamo si alyas Toyo dahil sa pagtutulak nito ng ilegal na droga sa lugar at ginagawa din umanong tambayan ng mga holdaper ang bahay kung saan gumagamit muna ng droga bago mangholdap.
(Benedict Galazan / UNTV Correspondent)
Tags: engkuwentro sa Tondo, hinihinalang drug pusher, manila
