Niyanig ng magnitude 5 na lindol ang ilang bahagi ng Davao Oriental kaninang madaling araw.
Sa ulat ng PHIVOLCS, pasado ala-una ng umaga nang maramdaman ang lindol sa mga bayan ng Cateel, Bislig, Hinatuan at Barobo sa Surigao del Sur;
Naramdaman rin ang pagyanig sa Lingig at Lianga, Surigao del Sur at Cagayan de Oro.
Tectonic ang origin ng lindol na may lalim na 102 kilometers; natukoy rin ang epicenter nito sa layong labing-anim na kilometro hilagang-silangan ng Cateel.
Inaasahan ang pagkakaroon ng aftershocks sa mga nabanggit na lugar.
Wala namang napaulat na nasaktan o napinsala dahil sa lindol.
(Joeie Domingo / UNTV Correspondent)
METRO MANILA – Itinaas sa alert level 2 o increasing unrest ng Philippine Institute of Volcanology and Seismology (PhiVolcs) ang Kanlaon volcano matapos ang pagsabog nito kagabi, June 3.
Naglabas ng nasa 5,000 metrong taas ng plume o usok ang bulkan.
Ayon sa ulat ng PhiVolcs, tumagal ng anim na minuto ang pagsabog nito.
Pinapayuhan naman ang publiko na iwasang pumunta sa 4 kilometer-radius permanent danger zone upang makaiwas sa posibleng pagsabog, rockfall at landslide.
Tags: Mt. Kanlaon, PHIVOLCS
METRO MANILA – Pinawi ng Philippine Institute of Volcanology and Seismology (PhiVolcs) ang pangambang gagalaw ang fault line ng Pilipinas kasunod ng malakas na lindol sa Taiwan.
Ayon sa PhiVolcs, hindi konektado sa mga faultline ng Pilipinas ang nangyaring lindol, at kung magkakaroon man ng lindol sa bansa ay hindi dahil sa 7.5 Taiwan quake.
Ayon kay Phivolcs Director Teresito Bacolcol, hindi rin mararamdaman ang pagyanig ng 7.4 magnitude na lindol ng Taiwan sa Northern Luzon.
Ang tanging maaaring maging banta lamang nito ay ang tsunami.
Tags: earthquake, PHIVOLCS, Taiwan
METRO MANILA – Posibleng magdeklara ng state of calamity ang probinsya ng Surigao Del Sur, kasunod ng 7.4 magnitude na lindol na tumama sa lalawigan noong Sabado (December 2) ng gabi.
Sa ngayon ay patuloy na nararamdaman ang malalakas na aftershocks sa probinsya.
Batay sa report ng Philippine Institute of Volcanology and Seismology (PHIVOLCS), halos 2,000 aftershocks pa ang naitala sa lugar hanggang kahapon (December 4).
Mayroong itong lakas na umaabot sa 1.4 hanggang 6.6 magnitude, kung saan 19 sa mga ito ang naramdaman.
Sa datos ng Provincial Disaster Risk Reduction and Management Office (PDRRMO), aabot na sa mahigit P58-M ang halaga ng pinsalang idinulot ng lindol.
Base sa naunang report, 2 ang naitalang nasawi, habang mahigit sa 57,000 mga pamilya ang naapektuhan ng kalamidad.
Kahapon (December 4), nagsimula na ang ang pamamahagi ng food packs ng Department of Social Welfare and Development (DSWD).
Tags: DSWD, PHIVOLCS, Surigao del Sur
