Free mini-concert na handog ng WISH 107.5 para sa mga tagasuporta nito sa kanilang 3rd anniversary celebration sa Eastwood Central Plaza kagabi. Naki-jamming sa threemendous thanks party ang ilang kilalang OPM hitmaker na naging bahagi na ng WISH journey.
Isa na rito si Bugoy Drilon na malaki ang pasasalamat sa WISH fm dahil sa kanyang viral WISHclusive video na “One day” na nagkaroon ng matinding impact sa kanyang music career. Ito ang naging daan upang makilala siya at makasama pa sa isang performance ang original singer nito, ang international reggae artist na si Matisyahu.
Hindi rin pinalampas ng singing hearthrob na si Michael Pangilinan ang muling makaawit sa WISH bus dahil malapit na ang istasyon sa kanyang puso. Bukod kina Bugoy at Michael ay present din sa pagdiriwang sina Kz Tandingan, Tj Monterde, Jake Zyrus at Spongecola.
Samantala, wala namang pagsidlan ng saya ang mga WISHer na nakiisa sa pagdiriwang.
(Leslie Longboen / UNTV Correspondent)
