METRO MANILA – Magsasagawa ng kilos protesta sa buong bansa ang ilang transport group na pangungunahan ng Manibela laban sa Public Utility Vehicle Modernization Program (PUVM) bukas, January 16.
Nilinaw ng grupo na isang protesta at hindi transport strike ang isasagawa nila, kung saan kasama ang Piston at iba pang grupo mula sa iba’t ibang sektor.
Sa Metro Manila, magsisimula ang assembly ng mga magpoprotesta sa University of the Philippines sa Diliman Quezon City ng alas-9 ng umaga.
Magsasagawa rin ng caravan patungong Welcome Rotonda kung saan magkakaroon ng multi-sectoral program.
Pagkatapos ng programa sa Welcome Rotonda ay magmamartsa ang grupo patungong Mendiola.
