METRO MANILA – Bumaba pa sa 0.8% ang inflation rate ng bansa o ang tumutukoy sa bilis ng pagtaas ng presyo ng mga bilihin at serbisyo.Ito na ang pinakamababang naitalang inflation rate sa bansa sa nakalipas na 3 taon.
Base sa Philippine Statistics Authority (PSA) ang pagbaba ng inflation rate ay dahil rin sa patuloy na pagbaba ng presyo ng mga pagkain, non alcoholic drinks at maging ang transportation costs nito.
Ayon kay Presidential Spokesperson at Chief Presidential Legal Counsel Salvador Panelo, habang bumababa ang antas ng paggalaw ng presyo ng mga bilihin sa bansa, mananatili ang pamahalaan sa pagmomonitor ng presyo ng mga pangunahing bilihin lalo na ngayong “Ber months”.
(Rosalie Coz | UNTV News)
Tags: inflation rate, October
METRO MANILA – Bumaba ang bilang ng mga Pilipinong walang trabaho base sa latest report ng Philippine Statistics Authority (PSA).
Sa datos ng PSA, bumaba sa 2.09 million ang unemployment sa bansa para sa buwan ng Oktubre ngayong taon na mas kakaunti kumpara sa 2.26 million naitala noong September 2023.
Katumbas ito ng 4.2% na unemployemnt rate para sa October 2023, na mas mababa sa 4.5% na naireport noong Setyembre.
Mas mababa rin ito kumpara sa 2.24 million na bilang ng mga walang trabaho noong Oktubre ng nakaraang taon.
Tags: October, PSA, unemployment
METRO MANILA – Posibleng umabot sa 5.1 hanggang 5.9% ang inflation rate o antas ng pagtaas ng presyo ng mga pangunahing bilihin at serbisyo sa bansa para sa October 2023 ayon sa pagtaya ng Bangko Sentral ng Pilipinas (BSP).
Ayon sa BSP, naging pangunahing dahilan dito ang mas mataas na presyo ng kuryente, LPG, mga prutas, gulay at ang pagtaas sa pamasahe sa jeep.
Maaari namang maka-contribute sa downward price pressures ang mas mababang presyo ng bigas, karne, at gulay. Gayundin ang pagbaba sa presyo ng produktong petrolyo.
Umabot sa 6.15% ang inflation noong September bunsod ng mataas na presyo ng pagkain partikular na ng bigas ayon sa Philippine Statistics Authority (PSA).
Mas mataas ito sa 5.3% inflation na naitala noong August 2023.
METRO MANILA – Masayang ibinalita ni Pangulong Ferdinand Marcos Jr. ang tuloy-tuloy na pagbagal ng inflation rate sa Pilipinas.
Ayon sa pangulo, mahalaga ito para sa bansa lalo na kung paguusapan ang estado ng ekonomiya.
Binigyang-diin ni PBBM na indikasyon lang ito na tama ang ginagawang hakbang ng gobyerno upang maiangat ang ekonomiya sa bansa.
Ilang problema naman sa food supply chain ang tututukan ng pamahalaan upang patuloy na bumaba ang inflation rate.
Ayon kay Department of Trade and Industry (DTI) Secretary Alfredo Pascual, kailangang masolusyunan kung papaano makakarating ang mga inaning gulay o prutas ng mga magsasaka papunta sa mga lugar na higit na nangangailangan.
Tags: DTI, inflation rate, PBBM
