Blast from the past ang hatid ng International Hitmakers na “The Stylistics” sa kanilang WISHclusive performance kagabi sa nag-iisang fm radio on wheels, ang WISH 107-5 bus.
Bumiyahe pa ng nasa labingsiyam na oras ang grupo mula sa Philadelphia, USA patungong Pilipinas para aliwin ang kanilang Filipino fans. Bago pa man ang inaabangang concert ng grupo ay muli nilang ibinalik ang mga wisher sa dekada setenta sa pag-awit nila ng isa sa kanilang greatest at timeless hits na “You make me feel brand new”.
Ayon pa sa grupo, pasasayahin nila ng todo ang concert goers sa kanilang pagbabalik entablado sa Pilipinas dahil granted ang kanilang song requests sa kanilang upcoming concert.
Ang Stylistics isang soul group na nabuo noong 1968 at nakilala noong 1970s. Kabilang sa mga awiting kanilang pinasikat ay ang “Betcha by golly, wow”, “I’m stone in love with you” at “Break up to make up”.
Ang concert ng the stylistics ay isasagawa mamayang alas otso ng gabi sa “The Theatre” sa Solaire Resort and Casino sa Paranaque City.
(Leslie Longboen / UNTV Correspondent)
