Lalaking duguan at walang malay sa Bacolod City, tinulungan ng UNTV News and Rescue Team

by Radyo La Verdad | August 29, 2016 (Monday) | 1687

PRIMROSE_TMBB
Duguan at walang malay nang madatnan ng UNTV News and Rescue Team ang isang lalaking sa gilid ng kalsada ng Verbina Street, Libertad, Bacolod City pasado ala una ng madaling araw ng sabado.

Nakilala ang biktima na si Teddy Peres Berjes Jr. trenta y siyete anyos.

Ayon sa isang nakasaksi, naglalakad si Berjes nang pagewang-gewang nang bigla na lang itong bumagsak.

Tumama ang ulo nito sa semento at nawalan ng malay.

Dagdag pa ng nakakita sa biktima, basang basa ito dahil sa ulan at nangangamoy alak din.

Agad naman tinulungan ng UNTV News and Rescue Team si Berjes at nilapatan ng pangulang lunas ang tinamo nitong sugat sa ulo, mga pasa sa mukha at pagdurugo ng kanang tenga.

Matapos na bigyan ng first aid ay dinala na ng grupo ang biktima sa Corazon Locsin Montelibano Memorial Regional Hospital para sa karagdagang atensyong medikal.

(Primrose Guillaran / UNTV Correspondent)

Tags: ,

Sugatang motorcycle rider sa Butuan City, tinulungan ng UNTV News and Rescue

by Radyo La Verdad | June 24, 2019 (Monday) | 226189

BUTUAN, Philippines – Nakahandusay sa kalsada ang isang lalaking motorcycle rider nang datnan ng  UNTV News and Rescue team sa South Montilla Boulevard, Butuan City, noong Biyernes ng gabi.

Kinilala ang rider na si Jason Fermano na taga Amayahan, Agusan del Norte.

Nagtamo ito ng sugat sa iba’t-ibang bahagi ng katawan at pananakit balikat bunsod ng pagkakabangga sa center island ng kanyang minamanehong motorsiklo.

Kwento ng mga nakasaksi sa aksidente, mabilis umano ang pagpapatakbo ni Fermano habang binabaybay ang national highway na tila nakikipaghabulan sa ibang motorista.

Nagulat nalang ang mga tao sa lugar nang salpukin nito ang center island.

Matapos lapatan ng first aid ng UNTV Rescue si Fermano ay dinala na ito sa Butuan Medical Center upang masuri ng mga doktor habang kinuha naman ng mga pulis ang motorsiklo nito para sa safe keeping.

Para sa mga mangangailangan ng tulong ng UNTV News and Rescue makipag ugnayan lamang sa numerong 911-UNTV o 911-8688.

(Raymond Octobre | UNTV News)

Tags: , , ,

3 lalake, sugatan matapos maaksidente ang sinasakyang motorsiklo sa Lipa, Batangas kagabi

by Radyo La Verdad | November 8, 2018 (Thursday) | 170366

Masuwerteng gasgas lang ang tinamo ng mga magkakabarkada matapos maaksidente ang sinasakyan nilang motorsiklo sa Ayala Highway, Barangay Balintawak sa Lipa, Batangas kagabi.

Ayon sa mga biktima, galing silang Batangas City at patungo sana ng Malvar nang biglang lumabas sa isang kanto ng Ayala Highway ang isa pang motorsiklo na tinamaan nila sa likurang bahagi dahilan upang mawalan sila ng kontrol sa manibela.

Agad namang nilapatan ng UNTV News and Rescue Team ang mga gasgas sa tuhod at binti ng mga biktima na sina Romel de Asis, Juan Carlo Maldorado at Tristan Samonte na tumanggi nang magpadala sa ospital.

Samantala, nagkasundo naman ang dalawang panig na magkaayos na lang at hindi na magreklamo sa pulisya.

 

Tags: , ,

Biktima ng motorcycle accident sa Butuan City, tinulungan ng UNTV News and Rescue Team

by Radyo La Verdad | October 23, 2018 (Tuesday) | 133232

Isang tawag mula sa City Disaster Risk Reduction and Management Office ang natanggap ng UNTV News and Rescue Team pasado alas nuwebe kagabi.

Ito’y matapos bumangga sa nakaparadang multicab sa Bonbon Road ang minamanehong motor ni Bryan Pontemar. Nagtamo ang biktima ng matinding pagdurugo sa ulo at posibleng bali sa kanang binti.

Ayon sa ilang saksi, walang suot na helmet si Pontemar habang nagmamaneho at mabilis ang pagpapatakbo nito ng motorsiklo bago mangyari ang aksidente.

Agad nilapatan ng first aid ng UNTV News and Rescue ang biktima. Pagkatapos ay dinala ito ng grupo sa Butuan Medical Center upang masuri ng doktor.

 

( Raymond Octobre / UNTV Correspondent )

Tags: , ,

More News