Nirespondehan ng UNTV News and Rescue Team ang isang lalaking nasugatan matapos mabangga ang minamanehong kotse sa concrete barriers sa P. Tuazon Corner Quezon Avenue ala una y medya kaninang madaling araw.
Kinilala ang biktima na si Rey John delos Reyes, 35 anyos at residente ng Sta. Teresita sa Quezon City
Ang lalaki ay nakaupo sa loob ng kanyang kotse habang iniinda ang hapdi ng tinamo nitong mga sugat
Nagtamo ito ng malalim na sugat sa kaliwang tuhod at mga gasgas sa ibat ibang bahagi ng kanyang katawan
Nilapatan ng UNTV News and Rescue Team ng pang-unang lunas ang mga sugat ng biktima at pagkatapos ay isinugod sa United Doctors Medical Center.
Ayon sa biktima merong humahabol sa kanila kaya’t matulin ang takbo niya at nataranta ito at nawalan ng kontrol sa manibela dahilan kaya nabangga nito ang mga nakaharang concrete barrier sa gitna ng daan
Ang isa namang kasama ng biktima sa sasakyan ay na sugatan din ay tinulungan ng MMDA at dinala sa pinakamalapit na hospital.
