May libreng sakay sa light rail transit o LRT Line one at two at gayundin ang Metro Rail Transit o MRT Line three para sa mga manggagawa.
Ito ay bilang pakikiisa sa pagdiriwang ng Labor day.
Magsisimula ang libreng sakay mula ala-siyete hanggang alas nueve ng umaga at ala-singko ng hapon hanggang alas syete ng gabi.
Kailangan lamang ipakita ng mga pasahero ang kanilang company ID upang maka-avail ng libreng sakay.
Tags: Labor day, libreng sakay, LRT, MRT
METRO MANILA – Palalawigin ang operating hours ng LRT line 1 at 2, at ng MRT–3 simula ngayong December 20 hanggang sa December 23 ayon sa Department of Transportation (DOTr).
Ito’y dahil sa inaasahang pagdagsa ng mga pasahero dahil sa holiday rush.
Batay sa abiso ng DOTr, mula sa 9:30 pm last trip ng MRT sa North Avenue station, gagagawin na itong 10:30 pm.
Habang hanggang 11pm naman magpapa-pasok ng pasahero sa Taft Avenue station.
Ang LRT-1 naman mula sa 10pm na original schedule sa last trip mula sa Baclaran station ay extended hanggang 10:45pm .
Ang last trip naman sa FPJ station ay 11pm mula sa original schedule na 10:15pm .
Alas-10 naman ng gabi ang huling biyahe ng LRT-2 Antipolo station at 10:30 naman ng gabi sa Recto station.
Ang adjusted holiday operating hours sa mass transit systems ng bansa ay tugon na rin sa panawagan ni Transportation Secretary Jaime Bautista upang mas mapagsilbihan pa ang mga commuter.
Tags: holiday season, LRT, MRT
METRO MANILA – Magkakaloob ng libreng sakay ang MRT-3 sa mga menor de edad sa darating na November 6 bilang pakikiisa sa pagdiriwang ng National Children’s Month.
Sa isang pahayag, inanunsyo ni Council for the Welfare of Children (CWC) Executive Director Angelo Tamales ang libreng sakay ng mga bata sa MRT-3.
Available ang libreng sakay mula alas-7 hanggang alas-9 ng umaga at alas-5 ng hapon hanggang alas-7 ng gabi.
Tags: libreng sakay, MRT-3
METRO MANILA – Ginugunita ng bansa ngayong araw (May 1), ang 121 selebrasyon ng Labor Day.
Wala man sa Pilipinas ngayong araw, kahapon (April 30) ay pinangunahan ni Pangulong Ferdinand Bongbong Marcos Junior ang programa ng Department of Labor and Employment (DOLE) para sa Labor Day Celebration.
Sa kaniyang mensahe, tiniyak ng pangulo na prayoridad ng kaniyang administrasyon ang kapakanan ng mga manggagawa na tinawag niyang sandigan ng ating ekonomiya.
“Sa araw na ito, ating kinikilala ang kadakilaan at kabayanihan ng manggagawang Pilipino — ang sandigan ng ating ekonomiya. Bilang pangulo, ipinapangako ko na ang proteksyon para sa mga manggagawang Pilipino ay mananatiling pangunahing prayoridad ng aking administrasyon.” ani Pangulong Ferdinand Bongbong Marcos Jr.
Inilatag din ng pangulo ang ginagawang hakbang ng pamahalaan para solusyonan ang mga problema ng bansa partikular na sa sektor ng paggawa.
“Maingat at unti-unti nating binubuksan at pinapasigla ang ating ekonomiya upang magbalikan at dumami ang mga negosyo at namumuhunan lalo na sa imprastraktura. Pinapalakas din natin ang agrikultura at ang ating pakikipag-ugnayan sa ibang bansa para naman matulungan natin ang ating mga OFW.” ani Pangulong Ferdinand Bongbong Marcos Jr.
Kaakibat ng selebrasyon ng Labor Day, ay ang pagbubukas ng ‘Kadiwa ng pangulo para sa mga mangagawa’ outlet sa Pasay City at Job Fair.
