METRO MANILA – Ipinagpatuloy kahapon (September 28) ng Land Transportation Franchising and Regulatory Board (LTFRB) ang pagding sa fare hike petisyon na inihain ng mga transport group, sa gitna ng mataas na presyo ng langis.
Pero wala pa ring desisyon kung aaprubahan na ang hirit na dagdag-pasahe sa jeep.
Ayon sa LTFRB, kailangan pang magsumite ng mga transport group ng supplemental petition, upang mapalawig sa buong bansa ang hinihiling na fare hike.
At kapag naisumite na ito, muling magpapatawag ang LTFRB ng isa pang hearing sa darating na Martes (October 3).
Ayon sa LTFRB isa sa maaari nang maaprubahan ang hinihinging P1 provisional fare, o pansamantalang dagdag pasahe habang mataas pa ang presyo ng Diesel.
Kung sakaling maaprubahan magiging P13 ang minimum na pamasahe sa mga tradisyunal na jeep mula sa kasalukuyang P12.
Habang magiging P15 naman ang minimum sa modern jeep, mula sa kasalukuyang P14.
Ayon sa Presidente ng Pasang Masda na si Obet Martin, natatagalan na rin sila sa nagiging proseso ng hirit na dagdag pasahe lalo pa’t umabot na sa P17 ang itinaas ng presyo sa kada litro ng Diesel.
Inaasahan sana nila na maaprubahan na kahapon (September 28) ang P1 provisional fare increase.
Gayunman, mas mainam na rin anila ito dahil may pagkakataon pa silang makapagsumite ng supplemental petition para maipatupad sa buong bansa ang dagdag-pasahe.
(JP Nunez | UNTV News)
Tags: fare hike
METRO MANILA – Hindi muna magpapatawag ng hearing para sa isinusulong na fare increase ang Land Transportation Franchising and Regulatory Board (LTFRB) ayon kay LTFRB Chairman Teofilo Guadiz III.
Ang tinutukoy na fare increase ay ang P5 fare hike petition na isinumite ng 3 transport group noong Agosto.
Ayon kay Chairman Guadiz, hihintayin ng ahensya hanggang Disyembre na ma-stabilize ang taas, babang presyo ng langis bago mag-set ng hearing.
Dagdag ni guadiz, kung magtatakda ng hearing ngayon at pagkatapos ay tataas at bababa muli ang halaga ng langis ay hindi nila matutugunan kung magkano talaga ang dapat itaas sa pamasahe.
Sinabi din ni Guadiz na planong ipagpatuloy ng LTFRB ang public hearing sa proposed fare hike sa Disyembre at bumuo ng resolusyon pagkatapos ng 1 buwan.
METRO MANILA – Ipinatupad na ang P1 provisional fare sa mga pampasaherong jeep simula kahapon October 8, .
Ibig sabihin madaragdagan ng P1 ang minimum na pasahe sa jeep mapa-tradisyunal o moderno.
Ang P12 na minimum fare sa tradisyunal na jeep, magiging P13 na.
Habang P15 na ang pamasahe sa modern jeepneys mula sa kasalukuyang P14.
Nauna nang inaprubahan ng Land Transportation Franchising and Regulatory Board (LTFRB) ang pagpapatupad ng provisional fare bunsod ng mataas na presyo ng mga produktong petrolyo.
METRO MANILA – Suportado ng National Center for Commuters Safety and Protection sakaling aprubahan ng Land Transportation Franchising and Regulatory Board (LTFRB) ang P1 provisional fare sa mga jeep.
Ayon sa Presidente nitong si Elvira Medina, hindi rin naman aniya talaga maiiwasan ang taas pasahe sa jeep lalo pa’t sunod-sunod na ang pagtaas ng presyo ng Diesel.
Kung hindi aniya tataas ang pasahe, baka lalo pang bumagsak ang industrya ng transportasyon dahil sa pagkalugi ng mga driver at operator.
Kapag nangyayari ito, lalo pang mababawasan ang mga jeep na pwedeng sakyan ng mga commuter araw-araw.
