Mag-aamang music lover, kabilang sa mga sumali sa WISHcovery on-ground audition sa Baguio City

by Radyo La Verdad | August 7, 2017 (Monday) | 1600

Mula sa ama hanggang sa mga anak ay nananalaytay sa dugo ng pamilya Packing ang pagiging music lover. Namana nina Joko at Louis sa amang si Frank ang pagkahilig sa musika.

Kaya nang bumisita ang WISH 107-5 sa Baguio City para sa WISHcovery audition, hindi na pinalagpas ng mag-aama ang pagkakataon at ipinamalas ang kanilang talento sa publiko. Malaking bagay para kay Frank na makita ang mga anak na sumasali sa mga singing competition.

Ito ang unang pagkakataon na magkakasabay na sumali ang mag-aama sa isang singing contest. Ngunit anila, hindi nila naramdaman na may kompetisyon sa pagitan nila. Si Frank ay isa sa mga napiling prequalifier mula sa huling batch ng on-ground auditionees.

Magpapatuloy naman ang singing journey nina Joko at Louis na nagsisimula pa lamang sa pagtupad ng kanilang pangarap sa larangan ng musika.

 

(Leslie Longboen / UNTV Correspondent)

 

 

Tags: , ,