Nakapagpiyansa na sa Sandiganbayan sina Masbate Gov Rizalina Lanete at dating APEC Partylist Rep. Edgar Valdez, na pawang nasasangkot sa 10 billion Pork Barrel Scam.
Sa magkahiwalay na desisyon, pinayagan ng 4th division at 5th division na pansamantala na silang makalaya sa kanilang mga kaso.
830 thousand pesos ang piyansa ni Lanete sa plunder at labin isang counts counts ng graft habang 1 million 710 thousand pesos naman ang bail ni Valdez para sa plunder at pitong counts ng graft.
Parehas na division ay naglabas na ng release order sa BJMP Camp Bagong Diwa sa Taguig kung saan parehas nakaditine ang 2 dating kongresista.
Si Lanete ay nakalabas at nakapunta na sa Sandiganbayan at natapos na rin ang proseso ng bail.
Si Valdez naman ay bukas pa inaasahang pupunta sa Sandiganbayan.
Sa resolusyon ng Sandiganbayan sinabi nitong walang matibay na ebidensyang magtuturong nagbulsa ng 64 million pesos si Masbate Governor Rizalina Seachon-Lanete mula sa pageendorso ng kanyang PDAF sa mga ngo ni Napoles.
Ayon sa korte, mismong ang prosekusyon ang umaming hindi kailanman nagkita si Lanete at Napoles upang pagusapan ang kumisyon na maaari niyang makuhang mula sa mga proyekto ng kanyang PDAF.
Wala ring umanong pagkakataon na pumunta si Lanete sa opisina ni napoles at kahit sa mga party nito.
Ayon din kay PDAF witness Benhur Luy, hindi nakakuha si Lanete ng kumisyon na direktang si Napoles mismo ang nag-abot dahil pinapadaan umano ito sa kanyang chief of staff na si Jose Sumalpong.
Walang ring iba pang nakuhang matibay na ebidensya maliban sa testimonya ni Luy na nakarating kay Lanete ang kumisyon.
Dagdag pa ng korte, hindi naman peke ang mga proyekto ni Lanete dahil kinumpirma ng mayor ng Brgy Cawayan Masbate na nadeliver at naibigay naman sa mga beneficiary ang pinabili ni Lanete na life vest.
Samantala, bagaman pinyagan si Janet Lim Napoles na makapagpiyansa ay hindi pa rin siya makakalabas ng Correctional Insitution for Women sa Mandaluyong kung saan siya nakaditine.
Ito ay sa dahilang mayroon pang apat na plunder case na kinakaharap si Napoles kasama sina Senator Bong Revilla Jr., Jinggoy Estrada at Senador Juan Ponce Enrile.
Na-deny ang petition for bail nina Revilla at Estrada, samantalang si Enrile ay nakapag-piyansa dahil sa health problem.
Bukod sa PDAF Scam, convicted na rin si Napoles sa kasong serious illegal detention.
Kung sa plunder case ni Lanete ang sinabi ng Sandiganbayan ay walang matibay na ebidensya, sa kaso naman ni Valdez pinaliwanag ng korte na hindi naman naabot yung threshold amount ng kasong plunder.
Sa 57 million kasi na alleged kickback ni Valdez, 2.6 million pesos lang ang may supporting evidence.
Kaya naman ayon sa kampo no Valdez dapat ay madismiss na rin ang kasong plunder.
Inaasahan nating maghahain pa ng motion for reconsideration ang kampo ng prosekusyon sa resolution ng 2nd division ng Sandiganbayan.
(Joyce Balancio / UNTV Correspondent)
Tags: Janet Napoles, Masbate Gov Rizalina Lanete, Sandiganbayan
Nakangiti at bakas ang kasiyahan sa mukha ni dating Senador Jinggoy Estrada ilang minuto matapos ibaba ang hatol sa kaniyang matalik na kaibigan na si dating Senador Bong Revilla Jr.
Speechless daw siya sa pagkakataong ito matapos ilabas ang unang desisyon kaugnay ng pork barrel scam. Payo niya sa kaibigan na maglaan ng ‘quality time’ sa pamilya.
Isa si Estrada sa mga idinawit sa ten billion peso pork barrel scam. Subalit pansamantala itong nakalaya matapos payagan ng korte na magpiyansa ng 1.33 milyong piso.
Bukod kay Estrada, pinayagan din ng Sandiganbayan na makapagpiyansa ang kapwa akusado na si dating Senate President Juan Ponce Enrile.
Ayon sa isang legal expert at dean mula sa San Beda College of Law na si Ranhilio Aquino, kahit parehong plunder ang kaso nina Revilla, Estrada at Enrile kaugnay ng pork barrel scam, hindi ito nangangahulugan na ang desisyon sa kaso ni Bong ay siya ring magiging desisyon sa kaso ng dalawang dating mambabatas.
Bukod dito, ipinaliwanag ni Dean Aquino na may mga pagkakataon na bagaman ‘not guilty’ ang sintensya ay pinagbabayad pa rin ng korte ang dating akusado sa civil liability nito, tulad ng kaso ni Bong na ipinasasauli ang P124 milyon.
Sa ngayon ay nililitis pa rin ang kasong pandarambong ni Jinggoy sa Sandiganbayan. Umaasa naman siyang ma-aacquit siya sa naturang kaso.
( Mai Bermudez / UNTV Correspondent )
Tags: Bong Revilla, Jinggoy Estrada, Sandiganbayan
May utos na ang Sandiganbayan na arestuhin si dating first lady at ngayo’y Ilocos Norte Congresswoman Imelda Marcos matapos mahatulang guilty sa mga kasong katiwalian.
Batay sa kautusan ng Sandiganbayan 5th Division noong Biyernes, pina-iisyuhan ng warrant of arrest si Imelda dahil hindi sumipot sa pagbasa ng kanyang sentensiya.
Kinumpiska na rin ng Sandiganbayan ang inilagak nitong piyansa at pinapagpaliwanag sa loob ng tatlumpung araw.
Dapat ma-extradite o ipatapon sa Estados Unidos si pork barrel scam queen Janet Lim Napoles upang malitis ito sa kasong money laundering ayon kay dating Pangulong Benigno Aquino III.
Ayon kay Aquino, mula pa noong kaniyang panahon ay may umiiral nang extradition treaty sa pagitan ng Pilipinas at Estados Unidos.
Ngunit ayon sa DOJ, hangga’t hindi nateterminate ang kaso ng isang indibidwal ay hindi maaaring ma-extradite ang isang akusado.
Ang tangi lamang magagawa ng mga otoridad ay makipagtulungan sa US federal authorities hinggil sa pagkuha ng ebidensya at imbestigasyon hanggang sa maibalik ang pondo ng bayan.
Samantala, umaasa rin ang dating pangulo na sa pag-upo ni Ombudsman Samuel Martires ay magiging patas ito sa pagresolba sa kaniyang mga kasong nakabinbin sa anti-graft body.
Nagbigay rin ng kaniyang pananaw si Aquino hinggil sa pag-upo ni Pampanga Representative Gloria Arroyo bilang house speaker.
Matatandaang nakulong si Arroyo noong administrasyon ni Aquino dahil sa mga kaso ng katiwalian at kurapsyon.
Bagaman bahagyang kwestiyonable umano ang pagpapalit ng liderato ng Kamara ay naniniwala naman si dating Pangulong Aquino na kung desisyon ng taumbayan ang pagkakaluklok kay Arroyo ay may karapatan naman umano nito na kunin ang nasabing posisyon.
( Mai Bermudez / UNTV Correspondent )
Tags: dating Pangulong Aquino, Estados Unidos, Janet Napoles
