Nangangamba ang mga residente ng Rodriguez, Rizal na lubhang maapektuhan din sila ng pananalasa ng Bagyong Lawin dahil sa lawak ng sakop at posibleng paglakas pa nito.

Tinatayang nasa isang daang pamilya sa Baranggay San Isidro sa bayan ng Rodriguez ang maaaring maapektuhan ng posibleng pag-apaw ng ilog kapag bumuhos ang malakas na ulan.

Kaya naman ngayon pa lamang ay naghahanda ng ang mga ito.

Nakaalerto na rin ang Municipal Disaster Risk Reduction and Management Office sa bayan upang maasistehan ang mga residente.

Nakahanda na ang mga evacuation centers at nagpreposition na ng relief goods sa munisipyo.

(Jennica Cruz / UNTV Correspondent)

Tags: epekto ng Bagyong Lawin, Mga nakatira malapit sa ilog sa Rodriguez, Rizal