METRO MANILA – Umabot na sa 13.2 million o 48% Filipinos ang nagsasabing sila ay kabilang sa mahihirap base sa inilabas na survey ng Social Weather Stations (SWS) para sa 3rd quarter ng 2023.
Mas matataas ito kumpara sa 12.5 million noong Hunyo na katumbas lamang ng 45%.
Samantala, mula sa 33% ay bumaba sa 27% ang bilang ng mga Pilipinong nagsasabing sila ay sakto lamang.
Patuloy namang tinutugunan ng pamahalaan ang sularining ito.
Isang 25 year long term vision ang planong maipatupad ng pamahalaan upang wakasan ang problema sa kahirapan pagsapit ng taong 2040.
Tags: Filipino, SWS survey
METRO MANILA -Isinailalim na ng pamahalaan ng Pilipinas sa Alert Level 4 o mandatory evacuation ang Gaza dahil sa patuloy na kaguluhan sa lugar sa pagitan ng Israeli forces at Palestinian militant group na Hamas.
Ayon kay Department of Foreign Affairs (DFA) Spokesperson Ma. Teresita Daza, tukoy na ng gobyerno ng Pilipinas ang 131 Filipino nationals na nasa Gaza. 78 sa kanila ang nasa Rafah Border at patawid na malapit sa Egypt.
Habang ang iba ay nakaalis na mula Northern Gaza o Gaza City na inaahasang magiging sentro ng mas matinding labanan.
Tiniyak naman ng DFA na patuloy ang pag-asikaso sa repatriation ng mga Pilipino sa lugar.
Sa isang video sa kanilang Facebook page, nanawagan ang Israel Defence Forces (IDF) sa mga sibilyan sa Gaza na lisanin na ang lugar dahil sa kanilang inilunsad na opensiba laban sa Hamas.
Nagbigay pa ng evacuation route ang IDF at 3 oras na pagtigil ng opensiba upang makalikas ang mga sibilyan.
Pero batay sa ilang mga ulat, pinipigilan umano ng Hamas ang mga sibilyan na lisanin ang Gaza City.
Naglabas din ng mga recorded na usapan sa telepono ang IDF kung saan sinasabi ng 1 residente sa Gaza na hindi sila pinapaalis ng Hamas.
Ayon naman kay United Nations Secretary-General Antonio Guterres, napaka-delikado ng babalang mass evacuation.
Nanawagan din ito na mabigyan ng humanitarian access ang mga relief workers ng UN para makapaghatid ng ayuda sa mga naiipit sa bakbakan.
Tags: DFA, Filipino, Israel War, PH
Halos dalawang taon na subalit nasa gitna pa rin ng pandemiya ang Pilipinas kaya naman pagod na ang mga tao, giit ni Atty. Barry Gutierrez, tagapagsalita ni Vice President Leni Robredo, ang pangamba at kawalan ng malinaw na sagot kung paano makaka-ahon sa epekto ng pandemiya sa bansa ang posibleng dahilan ng pagbaba ng satisfaction rating ni Pangulong Rodrigo Duterte.
Batay sa 3rd quarter 2021 survey ng social weather stations, lumabas na walong porsyento ang ibinaba ng satisfaction rating ng Pangulo.
Mula sa 75 percent noong Hunyo, bumaba sa 67 percent ang mga nagsasabing satisfied o kuntento sila sa performance ni Presidente Duterte nitong Setyembre.
15 porsyento naman ang nagsabing hindi sila nasisisyahan kaya nakakuha ng positive 52 net satisfaction rating ang Pangulo sa 3rd quarter ng taon.
Mababa ito ng sampung puntos kung ikukumpara sa positive 62 rating ng Punong Ehekutibo noong Hunyo bagaman nananatili pa rin itong “very good” ayon sa SWS.
Subalit para kay Presidential Spokesperson Harry Roque, patunay itong nananatiling mataas ang kumpyansa ng publiko sa abilidad at competence ng Presidente upang pangunahan ang bansa sa gitna ng krisis sa kalusugan.
Dagdag pa nito, magpapatuloy ang Duterte administration sa mga hakbang upang mas maging mainam ang antas ng pamumuhay ng mga Pilipino at makabawi sa epekto ng pandemiya.
Rosalie Coz | UNTV News
Tags: Pres. Duterte, satisfaction ratings, SWS survey, VP Spokesperson Barry Gutierez
METRO MANILA – Nakatanggap ng pinansyal na ayuda mula sa pamahalaan simula nang mag-umpisa ang Covid-19 crisis ang 69% ng mga pamilya sa bansa.
Bahagyang mababa ang porsyentong ito sa 71% noong September 2020 at 72% noong July 2020.
Batay ito sa isinagawang National Social Weather Survey sa 1,500 respondents mula November 21 hanggang 25, 2020.
7% naman ang tumanggap ng pinansyal na tulong mula sa pribadong sektor.
Mas maraming pamilya ang tumanggap ng ayuda sa mga taga-Metro Manila.
Batay sa datos ng SWS, pinakamataas din ang halagang tinanggap ng mga nasa kapitolyo na may average total amount na P11, 172 samantalang 9,300 plus sa balance Luzon, 8,700 plus sa Visayas at sa 6,600 plus sa mga taga-Mindanao.
Sa ulat naman ng Department of Social Welfare and Development (DSWD), nasa 17.6M low income families ang nakatanggap ng ayuda sa ilalim ng first tranche ng Social Amelioration Program (SAP) samantalang 14.1M low income families naman sa second tranche.
(Rosalie Coz | UNTV News)
Tags: Financial Pandemic, SWS survey
