Isang lalaki ang tinulungan ng UNTV News and Rescue Team sa Davao City kagabi.
Nagtamo ang biktimang si Maximo Dumandan ng pananakit ng likod, sugat sa kaliwang tainga at kaliwang paa matapos banggain ng isang taxi ang minamaneho niyang multi-cab.
Ligtas naman at walang tinamong sugat ang driver ng taxi na si Fructoso Canete Jr.
Sa inisyal na imbestigasyon ng pulisya, binabagtas ng dalawa ang kahabaan ng Agdao fly-over at pauwi na sana upang gumarahe nang mangyari ang banggaan.
