Ipinahayag Rudy Lacson ang Senior Science Specialist At Officer in Charge ng Volcano Monitoring and Eruption Predicition Division ng Philippine Institute of Volcanology and Seismology o PHIVOLCS na posibleng maulit ang pagbuga ng abo ng Mt. Bulusan anumang araw batay na rin sa kanilang obserbasyon.
Gayunpaman, sinabi ni Lacson na hindi mauuwi ang pagbubuga ng abo ng bulkan sa magmatic eruption dahil wala pa sa parameters upang magbuga ng magma.
Dagdag pa ni Lacson pinag-aaralan din nila kung tataas ang preatic explosion na nangyari noong Lunes.
Dahil dito, nanawagan ang PHIVOLCS sa mga residente malapit sa bulkan na maging alerto sa lahat ng oras.
Ipinaliwanag din ni Lacson na ang pagtaas ng bilang ng volcanic quakes sa Mt. Bulusan ay dahil sa nangyayaring re- adjustment sa ilalim ng bulkan.
Umaabot na sa 28 pagyanig ang nai-rehistro ng philvolcs sa loob lamang ng 24 oras.
Ngayon umaga muling magsasagawa ang philvolcs ng precise leveling sa dalisdis ng Bulusan.
Ayon sa ahensya, maghihintay pa ng ilang araw bago maipalabas ang resulta ng ground deformation at precise leveling kung namamaga na ang dalisdis ng Mt. Bulusan.
(Allan Manansala / UNTV Correspondent)
Tags: Mt. Bulusan, Pagbuga ng abo, PHIVOLCS
METRO MANILA – Itinaas sa alert level 2 o increasing unrest ng Philippine Institute of Volcanology and Seismology (PhiVolcs) ang Kanlaon volcano matapos ang pagsabog nito kagabi, June 3.
Naglabas ng nasa 5,000 metrong taas ng plume o usok ang bulkan.
Ayon sa ulat ng PhiVolcs, tumagal ng anim na minuto ang pagsabog nito.
Pinapayuhan naman ang publiko na iwasang pumunta sa 4 kilometer-radius permanent danger zone upang makaiwas sa posibleng pagsabog, rockfall at landslide.
Tags: Mt. Kanlaon, PHIVOLCS
METRO MANILA – Pinawi ng Philippine Institute of Volcanology and Seismology (PhiVolcs) ang pangambang gagalaw ang fault line ng Pilipinas kasunod ng malakas na lindol sa Taiwan.
Ayon sa PhiVolcs, hindi konektado sa mga faultline ng Pilipinas ang nangyaring lindol, at kung magkakaroon man ng lindol sa bansa ay hindi dahil sa 7.5 Taiwan quake.
Ayon kay Phivolcs Director Teresito Bacolcol, hindi rin mararamdaman ang pagyanig ng 7.4 magnitude na lindol ng Taiwan sa Northern Luzon.
Ang tanging maaaring maging banta lamang nito ay ang tsunami.
Tags: earthquake, PHIVOLCS, Taiwan
METRO MANILA – Posibleng magdeklara ng state of calamity ang probinsya ng Surigao Del Sur, kasunod ng 7.4 magnitude na lindol na tumama sa lalawigan noong Sabado (December 2) ng gabi.
Sa ngayon ay patuloy na nararamdaman ang malalakas na aftershocks sa probinsya.
Batay sa report ng Philippine Institute of Volcanology and Seismology (PHIVOLCS), halos 2,000 aftershocks pa ang naitala sa lugar hanggang kahapon (December 4).
Mayroong itong lakas na umaabot sa 1.4 hanggang 6.6 magnitude, kung saan 19 sa mga ito ang naramdaman.
Sa datos ng Provincial Disaster Risk Reduction and Management Office (PDRRMO), aabot na sa mahigit P58-M ang halaga ng pinsalang idinulot ng lindol.
Base sa naunang report, 2 ang naitalang nasawi, habang mahigit sa 57,000 mga pamilya ang naapektuhan ng kalamidad.
Kahapon (December 4), nagsimula na ang ang pamamahagi ng food packs ng Department of Social Welfare and Development (DSWD).
Tags: DSWD, PHIVOLCS, Surigao del Sur
