Paglalagay ng solar panel sa mga pampublikong paaralan sa bansa, isinusulong sa Kongreso

by dennis | April 10, 2015 (Friday) | 3805
Mga solar panel sa Nellis Air Force Base, Nevada, U.S.A (Wikipedia.org)

Mga solar panel sa Nellis Air Force Base, Nevada, U.S.A (Wikipedia.org)

Isinusulong ngayon sa Senado ang pag-install ng mga solar panel sa mga paaralang walang kuryente, partikular sa mga pampublikong elementary at high school.

Batay sa panukalang batas na ini-akda ni Senador Sonny Angara, gagawing mandatory ang pagkakabit ng mga solar panel sa mga pampublikong eskuwelahan.

Bunsod ito ng kasalukuyang estado ng mga naturang paaralan na hanggang sa ngayon ay nananatili pa ring walang kuryente.

Ayon sa senador hindi nila matamasa ang komportableng pag-aaral sapagkat madilim ang kanilang silid-aralan at ni walang magamit na computer para makatulong sa kanilang leksyon.

Nakasaad sa Senate Bill no. 2597, inaatasan nito ang Department of Education, sa pakikipagtulungan ng Department of Energy at ng Department of Science and Technology na siguruhing may solar panels na naka-install na may kapasidad na kumarga ng 200 watts ng kuryente sa mga paaralan lalo na sa mga hindi pa inaabot ng elektrisidad.

Katumbas ng panukalang ito ni angara ang isinusulong namang panukala ni A Teacher partylist Rep. Julieta Cortuna na House Bill no. 4715.

Ayon kay Cortuna, bagaman kabilang sa mga benepisyaryo ng kasalukuyang electrification program ng National Electrification Administration ang lahat ng public classrooms sa bansa, kinakailangan pa rin ang solar power na kundi man alternatibo ay siyang magiging pangunahing power source ng mga silid-aralan.(Bryan de Paz/UNTV Correspondent)

Tags: , , , , ,

PBBM bukas sa ideya ng agarang pagbabalik sa old school calendar

by Radyo La Verdad | April 11, 2024 (Thursday) | 848

METRO MANILA – Bukas si Pangulong Ferdinand Marcos Junior sa ideya ng agarang reversal o pagbabalik sa lumang school calendar sa gitna ng nararanasang matinding init ng panahon.

Sa panayam sa pangulo, sinabi nito na ang climate change ang dahilan ng pagbabago sa klima.

Kaya naman ginagawa na aniya ng pamahalaan ang lahat ng mga hakbang upang maibalik sa dati ang schedule ng mga estudyante.

Nauna nang sinabi ni Vice President at Department of Education (DepEd) Secretary Sara Duterte na nagsagawa na sila ng consultation tungkol sa planong pagbabalik ng dating school calendar.

Gayunman ipinaliwanag ng bise president, na hindi ito maaaring madaliin upang hindi makompromiso ang schedule ng pahinga ng mga guro at mga mag-aaral.

Tags: , ,

Pagpasa sa panukalang buhayin ang mandatory ROTC, tututukan ng Senado sa pagbabalik sesyon

by Radyo La Verdad | April 10, 2024 (Wednesday) | 230

METRO MANILA – Tiniyak ng Senado na tututukan nito ang pagtalakay at pagpasa sa panukalang buhayin ang mandatory Reserve Officers Training Corps (ROTC).

Ayon kay Senate President Juan Miguel Migz Zubiri, kailangang mabigyan ng pagkakataon ang panukalang batas.

Dagdag nito, hindi na lang aniya sesentro ang bagong mandatory ROTC sa nakagawiang basic military training.

Naka session break ngayon ang Senado at nakatakdang bumalik sa April 29 at isasalang na sa debate sa plenaryo ang panukala sa susunod na buwan.

Tags: ,

Face-to-face classes sa Maynila, lilimitahan sa umaga o morning shift lang – DepEd-Schools Division of Manila

by Radyo La Verdad | April 10, 2024 (Wednesday) | 645

METRO MANILA – Naglabas ng direktiba ang Department of Education-Schools Division of Manila na lilimitahan na ang klase sa lungsod sa morning shift o tuwing umaga na lamang.

Sa ilalim ng nasabing memorandum, isasagawa ang face-to-face classes sa lahat ng public schools sa lungsod ng Maynila, mula ala-6 ng umaga hanggang alas-12 ng tanghali lamang.

Ipatutupad ito mula sa Huwebes April 11 at tatagal hanggang May 28, 2024.

Layon pa rin ng hakbang na ito ng DepEd Manila na maiiwas ang mga estudyante mula sa matinding init na nararanasan sa bansa.

Tags: ,

More News