Roger Federer, pasok na sa quarterfinals ng Australian open

by Radyo La Verdad | January 26, 2016 (Tuesday) | 4630

Roger-Federer
Minadali ni four-times champion Roger Federer ang laban upang hindi na ito umabot ng lunes at agad tinalo si David Goffin 6-2 6-1 6-4 upang umusad sa quarterfinals ng Australian open.

Ang laban ni Federer ang huli sa naka-schedule sa showcourt sa rod laver arena kahapon dahil sa haba ng laro na sinundan nito.

Umabot sa five sets ang labanan nina Novak Djokovic at Gilles simon kaya naman halos alas siete na ng gabi nang simulan ang laban nina Federer at Goffin.

Tumagal lamang ang sagupaan ng 88 minutes upang makahakbang si Federer sa quarterfinals kontra kay sixth seed Tomas Berdych ng Czech Republic.

Samantala, luha at injury ang naging wakas ng giant-killing run ni Anna-Lena Friedsam na nagbigay daan kay world number four Agnieszka Radwanska na maagaw ang 6-7 6-1 7-5 victory sa fourth round.

Nakabalik naman si 10th seed Carla Suarez Navarro ng Spain mula sa first set na pagkatalo upang dispatsahin si Daria Gavrilova 0-6 6-3 6-2.

Tags: ,