Mahigit sa dalawa hanggang pitong piso ang madaragdag sa singil sa diesel at gasolina pagpasok ng taong 2018, ito ay dahil sa excise tax sa mga produktong petrolyo na kabilang sa bagong tax reform package na ipinasa ng Kongreso at nilagdaan na ni Pangulong Rodrigo Duterte.
Ayon sa Department of Energy, isang Inter-Agency Task Force ang bubuuin upang tulungan ang mga kababayan nating lubhang maapektuhan ng dagdag singil.
Isa na dito ang mga voucher na para sa mga public utility driver, katulad umano ito ng Pantawid Pasada Program noon na magsisilbi bilang subsidiya. Magkakaloob din ng discount sa gasolina ang DOE para sa mga kwalipikadong indibidwal.
Suportado ng DOE ang tax reform package ng administrasyon dahil dito kukunin ang pagpapagawa ng mas maraming imprastraktura at ibang proyekto ng pamahalaan upang mapaunlad ang buhay ng mga Pilipino.
Bukod sa dagdag presyo sa gasolina, magkakaroon rin ng dagdag presyo sa mga sugar-sweetened beverages at dagdag buwis sa coal na maaaring makaapekto sa presyo ng ilang mga bilihin.
( Mon Jocson / UNTV Correspondent )
Tags: dagdag singil, DOE, subsidiya
METRO MANILA – Epektibo na ang malakihang pagtaas sa presyo ng mga produktong petrolyo simula ngayong araw ng Martes June 18.
Batay sa magkakahiwalay na abiso ng mga kumpanya ng langis, tataas ng P1.70 ang presyo ng kada litro ng Diesel.
Aabot naman sa P0.85 ang dagdag sa kada litro ng gasolina.
Samantala, madaragdagan naman ng P1.90 ang kada litro ng Kerosene.
Nauna ng sinabi ng Department of Energy (DOE) na ang bigtime oil price hike ay bunsod ng naitalang pagtaas sa inaasahang demand ng langis ng iba’t ibang mga ahensya sa mundo.
Nakaapekto naman din ang pabago-bagong galaw sa presyo ng langis sa international market.
Tags: DOE, oil price hike
METRO MANILA – Magkakaroon ng paggalaw sa presyo ng mga produktong petrolyo ang mga kumpanya ng langis bukas, araw ng Martes (June 4).
Batay sa inisyal na pagtaya ng mga oil company, maaaring tumaas ng P0.40 hanggang P0.60 ang presyo ng kada litro ng Diesel.
Magkakaroon naman ng malaking rollback na P0.90 hanggang P1.10 sa presyo ng kada litro ng gasolina.
Posible rin ang price hike na P0.60 hanggang P0.80 sa presyo ng kada litro ng kerosene.
Mamaya, iaanunsyo ng mga kumpanya ng langis ang final price adjustment na ipatutupad nila bukas.
Ayon sa industry players, bunsod pa rin ito ng pabago-bagong galaw sa presyo ng langis sa international market.
Sinabi naman ng Department of Energy (DOE) na nakaapekto sa naturang paggalaw sa presyo ang inaasahang production cut ng Organization of Petroleum Exporting Countries (OPEC).
Tags: DOE, oil price hike, OPEC
METRO MANILA -Ipatutupad na ngayong araw (May 28) ang pagtaas sa presyo ng mga produktong petrolyo.
Batay sa magkakahiwalay na abiso ng mga oil company, tataas ng P0.40 ang presyo ng kada litro ng Diesel at gasolina.
P0.30 naman ang dagdag presyo sa kada litro ng Kerosene.
Ayon sa Department of Energy (DOE), nakaaapekto pa rin sa presyo ng petrolyo ang nananatiling geopolitical tensions sa Middle East.
Tags: DOE, oil price hike
