Tatlong taon na sa airwaves ang isa sa pinakasikat na FM Stations sa Pilipinas—ang WISH 107-5. Bagama’t tatlong taon pa lamang ang istasyon, nakilala na ito sa local at international community dahil sa pag-iintroduce nito ng mga unique na konsepto na talaga namang kinagigiliwan ng publiko. Kabilang na dito ang nag-iisang FM booth on wheels sa bansa, ang WISH bus.
At ang mga high quality WISHclusive video na laging inaabangan ng music lovers. Kaya naman hindi katakataka na ang WISH ang no.1 FM youtube channel sa bansa na ngayon ay mayroon nang 1-point-4 million subscribers at halos 500 million views. At bilang treat sa lahat ng mga tagasuporta ay inaanyayahan ang lahat na maki-join at makisaya sa WISH threemendous thanks party.
Sa WISH anniversary din sa huwebes ay malalaman na kung sino ang WISHful twenty na maglalaban-laban sa pinakabagong online singing competition, ang WISHcovery. At dahil sa patuloy na pamamayagpag ng istasyon ay lubos na nagpapasalamat ang WISH 107-5.
Matutunghayan sa anniversary celebration ang live performances ng mga kilalang artists na sina Kz Tandingan, Michael Pangilinan, Tj Monterde, Jake Zyrus, Bugoy Drilon, Barbie Almalbis, Sponge Cola at marami pang iba.
Ang threemendous thanksgiving party ay isasagawa bukas sa Eastwood Central Plaza mula alas nwebe ng umaga hanggang alas nwebe ng gabi.
(Leslie Longboen / UNTV Correspondent)
Tags: Third WISH anniversary, Wish 107-5, WISH bus
