UNTV News and Rescue Team tinulungan ang babaeng sugatan matapos manlaban sa snatcher sa Angeles City Pampanga

by Radyo La Verdad | November 4, 2015 (Wednesday) | 1397

TMBB
Tinulungan ng UNTV News and Rescue Team ang isang babae na sugatan matapos na manlaban sa snatcher ng kaniyang bag sa Angeles City Pampanga pasado alas dos ng madaling araw ngayon myerkules.

Kinilala ang biktima na si Kathlyn Campit, 19 years old na kaagad na nagtungo sa istasyon ng pulisya upang i-report ang insidente.

Nagtamo ng sugat si Campit sa kaliwang paa, siko at namamaga rin ang kanyang mga kamay.

Nilapatan ito ng paunang lunas ng UNTV News and Rescue Team Pampanga ang mga sugat na tinamo ni Campit.

Ayon kay Kathlyn, pauwi na siya sa kanilang tahanan ng biglang agawin ng isang lalaki ang kanyang bag.

Ilang minuto lamang ang nakalipas ay nadakip na ng tauhan ng Police Station 4 ang suspek. (Joshua Antonio / UNTV News)

Tags: