Isang malaking oportunidad ang WISHcovery para sa ilang singing hopefuls na may nais pang patunayan sa kanilang sarili. Tulad na lamang ng 19-year old na si Rospel Gonzales.Tumigil siya sa pag-aaral para mag-focus sa theater acting. At ngayon, sa kanyang pagsali sa WISHcovery, nais niyang ipakita sa mundo na hindi lamang theater performance ang kaya niyang gawin.

Samantala, sinusubukan naman ng 26-year old e-services company manager na si Carl Ignacio na tumayo sa kanyang sariling paa. Dating miyembro ng boy band si Carl ngunit naniniwala siyang mas malaya niyang maipapahayag ang kanyang sarili bilang isang solo artist.

Kabilang sina Rospel at Carl sa mga pre-qualifier ng WISHcovery na umaasang magiging bahagi ng top 20 qualifiers ng online singing competition.

(Leslie Longboen / UNTV Correspondent)

Tags: online singing competition, singing hopefuls, wishcovery