Muling nabawasan ng isa ang mga WISHful 20 na kalahok sa search for the next online singing sensation na WISHcovery.
Noong Sabado, limang WISHful muli ang sumalang sa assessment ng mga resident reactor.
Ang mga ito ay sina Jenimay Mabini ng Laguna, John Harvey Magos ng Rizal, Louie Anne Culala ng Bulacan, Princess Sevillena ng Makati City at Vien King ng Quezon Province.
Batay sa final score mula sa youtube views at comments ng resident reactors, bigong nakapasok sa WISHful 16 si Vien ngunit masaya pa rin ito sa naging experience sa WISHcovery.
Noong Sabado ay nakumpleto na rin ang labing-anim na WISHful na aabante sa susunod na bahagi ng kumpetisyon.
Mas mahaba naman ang pagkakataon ng mga WISHer para suportahan ang kanilang bet dahil tuwing alas nueve ng gabi ng Linggo na ang uploading ng kanilang performances.
Kaya’t up for viewing na ang unang batch ng WISHful 16 sa first You Tube channel ng WISH 107-5.
Tiyak namang mas lalong ma-eenjoy ng WISHers ang ikalawang round ng kumpetisyon.
( Leslie Longboen / UNTV Correspondent )
