Inaasahan ang pagtapyas sa presyo ng mga produktong petrolyo anumang araw ngayong linggo.
Tinatayang papalo sa P0.75 hanggang P0.95 ang bawas presyo sa kada litro ng diesel habang P0.40 hanggang P0.60 naman ang bawas presyo sa kada litro ng gasolina.
Mas malaki naman ang tapyas sa kada litro ng kerosene na aabot sa P1.00 hanggang P1.20.
Ang rollback sa presyo ng mga produktong petrolyo ay bunsod pa rin sa bumabang presyo nito sa world market.
Tags: oil, petroleum, price rollback, world market
METRO MANILA – Nagpatupad ng mahigit P1 dagdag presyo ang kumpanya ng langis ngayong araw (June 13).
Sa abiso ng mga oil company, tataas ng P1.40 ang presyo ng kada litro ng Diesel. Habang P1.20 naman na dagdag sa presyo ng kada litro ng gasolina.
Samantala magkakaroon rin ng P1.30 rin na price hike sa Kerosene.
Ayon kay Department of Energy (DOE) Assistant Director Rodela Romero, inanunsiyo ng bansang Saudi Arabia na simula Hulyo, ipapatupad nito ang production cut na aabot sa 1M bariles kada araw.
Ibig sabihin, inaasahan ang pagtaas ng presyo ng gasolina, diesel, at kerosene at posibleng magtutuloy tuloy ito hanggang sa buwan ng Hulyo. Posible rin itong magresulta sa pagtaas ng antas ng mga bilihin sa bansa.
Bukod sa anunsiyong pagbawas ng produksyon ng mga exporting countries, ang patuloy na gyera sa pagitan ng bansang Russia at Ukraine ang isa sa dahilan sa pagtaas ng presyuhan sa mga produktong petrolyo.
Dagdag pa ni Romero na maliit ang pagitan ng suplay at demand ng produktong petrolyo sa world market kaya agad na naapektuhan ang presyo nito.
(Bernadette Tinoy | UNTV News)
METRO MANILA – Epektibo ngayong araw (December 13) ang bigtime rollback sa presyo ng produktong petrolyo.
P3.40 ang bawas-presyo sa kada litro ng diesel. P1.70 naman sa gasolina.
Habang P4.40 sa kada litro ng kerosene.
Ito na ang pang-8 Linggong may rollback sa diesel at kerosene, at pang-4 naman sa gasolina.
Tags: Big-time Rollback, oil
METRO MANILA, Philippines – Naniniwala ang Laban Konsyumer Group na dapat ay mas mababa pa ang presyo ng mga pangunahing bilihin ngayon sa mga pamilihan. Ito ay dahil bumaba na umano ang farm gate price dahil na rin sa pagbaba ng presyo ng produktong petrolyo.
“Hindi lamang dapat stable ang presyo ng pangunahing bilihin dapat ito mababa pa dahil ang farm gate price ng gulay at manok at baboy ay mababa. ‘Yung mababang presyo ng farm gate prices hindi agad mag reflect sa retail kaya dapat tutukan talaga ng monitoring at enforcement,” pahayag ni Vic Dimagiba, presidente ng Laban Konsyumer Group.
Ayon naman kay Wilson Lee Flores, isang ekonomista, magiging stable ang presyo ng mga bilihin sa mga unang buwan ng taong 2019. Ngunit kailangan aniya bantayan ang epekto sa ekonomiya dahil sa trade war sa pagitan ng Amerika at Tsina.
Ani Flores, “May kaunting epekto sa paghina ng ekonomiya ng buong mundo pero ang magandang balita (dahil) ang Pilipinas at Asya, malakas pa rin ang ekonomiya natin.“
Dagdag pa ng ekonomista, hindi na masyado mabibigla ang mga tao sa panibagong dagdag-buwis na ipapataw ngayong taon dahil naumpisahan na ito noong 2018.
(Mon Jocson | UNTV News)
Tags: Laban Konsyumer, pangunahing bilihin, petroleum, petroleum products, price increase, price rollback, primary commodity, produktong petrolyo, TRAIN Law
