METRO MANILA – Mahigit piso kada kilo ang itataas sa presyo ng liquified petroleum gas (LPG) simula ngayong araw.
Nangangahulugan ito na nasa halos bente pesos ang madadagdag sa kada 11 kilogram na tangke nito. Bukod pa dito ang dagdag na P1.12 excise tax na ipinataw sa LPG simula pa noong Enero ngayon taon.
Ayon sa mga manufacturer, maaari pa rin namang makamura ang mga consumer dahil sa price range na itinalaga ng DOE sa LPG na mula 600 to 780 piso.
Ang karinderya owner na si Andrila Abitria, labing apat na tangke ng LPG ang nagagamit sa isang linggo sa bente kwatro oras na operasyon.
Malaki-laking dagdag din sa kanilang operating expenses ang panigabong price increase na ito, ngunit hindi pa niya masabi kung magtataas na sila ng presyo ng mga ulam.
Sa ngayon aniya ay humahanap na lang muna sila ng ibang paraan upang makatipid sa gastos.
Ayon sa DOE, tumaas ang presyo dahil tumaas rin ang sinisingil na freight o ang binabayarang halaga sa transportasyon ng LPG.
Apektado rin ang presyo ng LPG sa sigalot na nangyayari sa Middle East at ang paghahanda ng Europa sa pagpasok ng taglamig dahil LPG ang ginagamit ng mga ito na pampainit tuwing winter.
Muli namang kinondena ng Laban Konsyumer group ang mataas na presyo ng LPG dahil sa pinapatupad na excise tax
Sa isang pahayag ni Laban Konsyumer president Vic Dimagiba, mas mababa sana ang presyo kung wala ang dagdag na buwis sa LPG.
( Mon Jocson / UNTV Correspondent )
Tags: DOE, Laban Konsyumer, LPG
METRO MANILA – Epektibo na ang malakihang pagtaas sa presyo ng mga produktong petrolyo simula ngayong araw ng Martes June 18.
Batay sa magkakahiwalay na abiso ng mga kumpanya ng langis, tataas ng P1.70 ang presyo ng kada litro ng Diesel.
Aabot naman sa P0.85 ang dagdag sa kada litro ng gasolina.
Samantala, madaragdagan naman ng P1.90 ang kada litro ng Kerosene.
Nauna ng sinabi ng Department of Energy (DOE) na ang bigtime oil price hike ay bunsod ng naitalang pagtaas sa inaasahang demand ng langis ng iba’t ibang mga ahensya sa mundo.
Nakaapekto naman din ang pabago-bagong galaw sa presyo ng langis sa international market.
Tags: DOE, oil price hike
METRO MANILA – Magkakaroon ng paggalaw sa presyo ng mga produktong petrolyo ang mga kumpanya ng langis bukas, araw ng Martes (June 4).
Batay sa inisyal na pagtaya ng mga oil company, maaaring tumaas ng P0.40 hanggang P0.60 ang presyo ng kada litro ng Diesel.
Magkakaroon naman ng malaking rollback na P0.90 hanggang P1.10 sa presyo ng kada litro ng gasolina.
Posible rin ang price hike na P0.60 hanggang P0.80 sa presyo ng kada litro ng kerosene.
Mamaya, iaanunsyo ng mga kumpanya ng langis ang final price adjustment na ipatutupad nila bukas.
Ayon sa industry players, bunsod pa rin ito ng pabago-bagong galaw sa presyo ng langis sa international market.
Sinabi naman ng Department of Energy (DOE) na nakaapekto sa naturang paggalaw sa presyo ang inaasahang production cut ng Organization of Petroleum Exporting Countries (OPEC).
Tags: DOE, oil price hike, OPEC
METRO MANILA -Ipatutupad na ngayong araw (May 28) ang pagtaas sa presyo ng mga produktong petrolyo.
Batay sa magkakahiwalay na abiso ng mga oil company, tataas ng P0.40 ang presyo ng kada litro ng Diesel at gasolina.
P0.30 naman ang dagdag presyo sa kada litro ng Kerosene.
Ayon sa Department of Energy (DOE), nakaaapekto pa rin sa presyo ng petrolyo ang nananatiling geopolitical tensions sa Middle East.
Tags: DOE, oil price hike
