Tinulungan ng UNTV News and Rescue Team ang sugatang pahinante matapos bumangga sa poste ng kuryente ang sinasakyan nilang delivery truck sa kahabaan ng Mc Arthur Hi-way sa Barangay Pulung Bulo Angeles City, Pampanga pasado alas dose ng madaling araw kahapon
Nagtamo ng mga sugat sa ulo at kamay ang biktima na kinilalang si Benjamin Oliverio.
Wala namang tinamong pinsala ang tatlong iba pa na sakay ng delivery truck.
Matapos malapatan ng paunang lunas ay tumanggi na itong magpadala pa sa hospital.
Ayon sa biktima, kasalukuyan nilang binabagtas ang kahabaan ng Mc Arthur Hi-way nang hindi napansin ng kanilang driver ang naka-paradang jeep, kaya bigla nitong kinabig pa kanan ang manibela at bumangga ang kanilang truck sa poste ng kuryente.
(Pampanga News Team)
