22 anyos na lalaking sangkot sa isang vehicular accident tinulungan ng UNTV News and Rescue Team

by Radyo La Verdad | December 9, 2015 (Wednesday) | 1833

Duguan ang mukha ng isang binatang lalaki nang isugod ng UNTV News and Rescue Team sa isang hospital kaninang madaling araw.

Ito ay matapos masangkot ang biktima sa isang aksidente pasado alas dos ng madaling araw sa Brgy. San Felipe, Naga city.

Kinilala ang binata na si Kirk Bayani, 22 anyos na taga Brgy. Sta Lucia, Magarao, Camarines Sur.

Sa inisyal na impormasyon, galing sa isang okasyon sa Naga city ang binata patungo sa kanilang baha.

Subalit dahil sa antok, di na namalayan ng biktima na ibang direksyon na ang tinatahak ng minamanehong pajero nito.

Bumangga sa puno ng talisay ang sasakyan minamaneho ng biktima habang nagtamo naman ng sugat sa iba’t ibang bahagi ng mukha ang biktima.

Agad namang rumesponde ang UNTV Rescue nang maka-tanggap ng tawag mula sa isang concerned citizen at dinala ang biktima sa Bicol Medical Center.

Positibo sa alak ang biktima at nagpagalaman din na may dinadala umanong mabigat na problema ang biktima batay sa imbestigasyon ng mga otoridad.

(Allan Manansala/UNTV Correspondent)